پائلٹ پراجیکٹ کے تحت قطر کو ہنر مند لیبر فورس بھجوانے کے لئے ’’ پنجاب سکلڈ لیبر ایکسپورٹ سیل‘‘ بنانے کا فیصلہ
قطر کے وزیر محنت کو صوبہ پنجاب کے تربیتی اداروں کے دورے کی دعوت دی جائے گی ، مفاہمت کی یادداشت پر دستخط ہوں گے ‘اشفاق سرور ون ونڈو آپریشن کے تحت ایکسپورٹ سیل کے ذریعے ہنر مند افراد کو بھر پور رہنمائی و معاونت فراہم کی جائے گی ‘صوبائی وزیر محنت وانسانی وسائل
پیر 12 اکتوبر 2015 20:57
لاہور(اُردو پوائنٹ اخبار تازہ ترین۔ 12 اکتوبر۔2015ء ) صوبائی وزیر محنت و انسانی وسائل راجہ اشفاق سرور نے کہا ہے کہ حکومت پنجاب نے پائلٹ پراجیکٹ کے تحت قطر کو ہنر مند لیبر فورس بھجوانے کے لئے ’’ پنجاب سکلڈ لیبر ایکسپورٹ سیل‘‘ بنانے کا فیصلہ کیا ہے، اس سلسلہ میں قطر کے وزیر محنت کو صوبہ پنجاب کے تربیتی اداروں کے دورے کی دعوت دی جائے گی اور قطر کی بڑی کنسٹرکشن کمپنیوں اور حکومت پنجاب کے درمیان ہنر مند لیبر فورس کو قطر کے تعمیراتی منصوبوں کی تکمیل کے لئے ایکسپورٹ کرنے کی غرض سے مفاہمت کی یادداشت پر دستخط بھی ہوں گے -ون ونڈو آپریشن کے تحت پنجاب سکلڈ لیبر ایکسپورٹ سیل کے ذریعے ہنر مند افراد کو بھر پور رہنمائی و معاونت فراہم کی جائے گی -انہوں نے یہ بات قطر کو ہنر مند افراد ایکسپورٹ کرنے کے لئے وزیر اعلی محمد شہباز شریف کی قائم کردہ کمیٹی کے اہم اجلاس کی صدارت کرتے ہوئے کہی - سیکرٹری لیبر علی سرفراز،چیئر مین ٹیوٹا عرفان قیصر شیخ ، چیئر مین پنجاب ووکیشنل ٹریننگ کونسل فیصل اعجاز ، چیف آپریٹنگ آفیسر پنجاب سکلز ڈویلپمنٹ فنڈ علی اکبر بوسن ، ڈائریکٹر ایچ آر گلوبل سید فخر احمد ، ایم ڈی پی وی ٹی سی ساجد نصیر ، کنسلٹنٹ پراجیکٹ ڈاکٹر جاوید گل و دیگر متعلقہ افسران نے اجلاس میں شرکت کی - سیکرٹری لیبر علی سرفراز نے اجلاس کو آگاہ کیا کہ وزیر اعلی محمد شہباز شریف کے دورہ قطر کے موقع پر صوبہ پنجاب اور قطر کی حکومت کے درمیان پنجاب سے ہنر مند لیبر فورس فیفا ورلڈ کپ 2022 ء کے میگا ترقیاتی منصوبوں کی تکمیل کے لئے بھجوانے بارے بامقصد مذاکرات طے پائے تھے جس کے نتیجہ میں صوبہ پنجاب کے ٹیکنیکل ٹریننگ دینے والوں اداروں نے نہ صرف اپنے تربیتی کورسز کو قطر کی ڈیمانڈ کے مطابق اپ گریڈ کیا بلکہ گڈ گورننس اور سلیبس میں تبدیلی کرتے ہوئے اپنے ہنر مند محنت کشوں کی تربیت شروع کی - انہوں نے کہا کہ حکومت پنجاب ہنر مند محنت کشوں کو جعل ساز پرموٹرز کے استحصال سے بچانے اور ایک موثر ریگولیٹری میکانزم کے ذریعے انہیں بیرون ملک ملازمت کے مواقع فراہم کرنے کے لئے بھر پور اقدامات کر رہی ہے - ٹیوٹا میں قائم کئے جانے والے اس ایکسپورٹ سیل میں محکمہ لیبر ، پنجاب سکلز ڈویلپمنٹ فنڈ اور ووکیشنل ٹریننگ کونسل سمیت تمام متعلقہ اداروں کی بھر پور نمائندگی ہو گی اور یہ ایکسپورٹ سیل منسلک اداروں کی مشاورت سے ہنر مندوں محنت کشوں کا انتخاب کر کے قطر کی کمپنیوں سے براہ راست مذاکرات کے ذریعے انہیں بین الاقوامی اداروں کی تصدیق ، ویکسی نیشن ، پولیس رپورٹ ، ویزا و دیگر معاملات میں بھر پور رہنمائی و معاونت فراہم کرے گا -
متعلقہ عنوان :
مزید اہم خبریں
-
جنرل باجوہ کو ایکسٹینشن دینا غلطی تھی، جب شخصیات مضبوط ہوں تو ادارے کمزور ہوتے ہیں
-
یواےای میں سفیر پاکستان فیصل نیاز ترمذی کی راس الخیمہ کے حکمران شیخ بن صقر القاسمی سے ملاقات
-
کسانوں کا آئندہ سال گندم کی فصل کاشت نہ کرنے کا عندیہ
-
حکومت کا پٹرولیم مصنوعات کی قیمتوں میں کمی کا اعلان
-
کورکمیٹی پی ٹی آئی نے 9 مئی کے بعد علیحدگی اختیار کرنے والوں سے متعلق فیصلہ سنا دیا
-
ججز خط پر عدالتی سماعت کے دوران چیف جسٹس سپیرم کورٹ کا طرزِعمل مایوس کن رہا
-
تحریک انصاف کا مولانا فضل الرحمان سے فوری رابطے کا فیصلہ
-
بشریٰ بی بی کو زہر دینے کے شواہد نہیں ملے، عدالت نے درخواست نمٹا دی
-
پی ٹی آئی نے اسٹیبلشمنٹ سے بات ہی کرنا تھی تو حملے کی کیا ضرورت تھی ‘ سپیکرملک احمد خان
-
اوگرا نے ایل پی جی کے 11.8 کلو گرام سلنڈر کی قیمت میں 140.88 روپے کمی کردی
-
مزدور اور محنت کش طبقہ ملک کی تعمیر و ترقی میں ریڑھ کی ہڈی کی حیثیت رکھتا ہے ، مزدور طبقے کے حقوق کا تحفظ ملک کی تعمیر و ترقی کے لئے ناگزیر ہے، سردارایازصادق
-
ہماری کمزوری ہے کہ فیض آباد دھرناکیس کے ذمہ داروں کو سزا نہیں دے سکے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.