خیبر پختونخوا اسمبلی میں اپوزیشن اراکین کا زلزلہ سے متاثرہ علاقوں کو آفت زدہ قراردینے اور دوبارہ سروے کا مطالبہ
کل تک بیشتر زلزلہ متاثرین کو امدادی رقوم کی ترسیل مکمل ہوجائے گی ،اگر کسی کو شکایت ہو تو ان کے ازالہ کیلئے ضلعی سطح پر تحفظاتی کمیٹیاں قائم کردی گئیں ہیں،حکومتی ارکان
منگل 24 نومبر 2015 21:53
پشاور(اُردو پوائنٹ اخبارتازہ ترین - آئی این پی۔24 نومبر۔2015ء ) خیبر پختونخوا اسمبلی میں اپوزیشن اراکین نے زلزلہ سے متاثرہ علاقوں کو آفت زدہ قراردینے اور دوبارہ سروے کا مطالبہ کردیا جبکہ حکومت کا کہنا ہے کہ کل 26نومبر تک بیشتر زلزلہ متاثرین کو امدادی رقوم کی ترسیل مکمل ہوجائے گی تاہم اگر کسی کو شکایت ہو تو ان کے ازالہ کیلئے ضلعی سطح پر تحفظاتی کمیٹیاں قائم کردی گئیں ہیں۔
خیبر پختونخوا کا اجلاس اسپیکر اسد قیصر کی صدارت میں شروع ہوا اجلاس کے دوران اے این پی کے سید جعفر شاہ نے کہا کہ دو لاکھ روپے میں کسی گھر میں باتھ روم تعمیر نہیں ہوسکتا تو پورا گھر کیسے تعمیر ہوگا یہ باعث شرم ہے۔(جاری ہے)
پی ڈی ایم اے کو فعال بنانے کے ساتھ زلزلہ سے متاثرہ علاقوں کو آفت زدہ قرار دیا جائے قومی وطن پارٹی کے بخت بیدار ، جے یو آئی کے زرین گل ، مولانا لطف الرحمن ، پیپلز پارٹی کے صاحبزادہ ثناء اﷲ ، سلیم خان ، ن لیگ اورنگزیب نلہوٹہ اور عبد المنعم نے حکومت کو زلزلہ سے متاثرہ علاقوں میں امدادی کارروائیوں کے حوالے سے سست رویے سے حکومت کو آڑے ہاتھوں لیا انہوں نے کہا کہ من پسند افراد کو رقوم کی ترسیل کی گئی ہیں بیشتر مستحقین اب بھی امداد سے محروم ہیں امدادی رقوم میں اضافہ کیا جائے اور مکمل تباہ شدہ گھر کے بدلے آٹھ لاکھ اور جزوی تباہ شدہ گھر کے بدلے تین لاکھ روپے دیئے جائیں انہوں نے مطالبہ کیا کہ زلزلہ سے متاثرہ علاقوں کو آفت زدہ قرار دیا جائے اور حکومت نے جو ابتدائی سروے کیا تھا ان میں سے بیشتر متاثرین امداد سے محروم رہ گئے اس لئے دوبارہ سروے کیا جائے ، جواب میں سینئر صوبائی وزیر عنایت اﷲ نے کہا کہ متاثرہ گھر کے بدلے دو لاکھ روپے کی رقم کا تعین صوبائی حکومت نے وفاق کی مشاورت سے طے کیا تھا تاہم حکومت نے قسطوں میں ادائیگی کی بجائے تمام متاثرین کو یکمشت ادائیگی کرکے امدادی کارروائیوں کو فعال بنایا انہوں نے کہا کہ 90فیصد زخمیوں ،223جاں بحق افراد کے لواحقیقن کو اور 53ہزار سے زائد متاثرہ گھروں کو امداد کی ادائیگی کی گئی ہے جبکہ کل 26نومبر تک بقایا رقم کی ادائیگی بھی مکمل ہوجائے گی انہوں نے کہا کہ حکومت نے اراکین اسمبلی کے شکایات کے ازالہ کیلئے تحفظاتی کمیٹیاں قائم کی ہیں اور اگر کوئی شخص امدادی رقوم سے محروم رہ گیا ہے تو وہ 26نومبر کے بعد بھی اس کمیٹی سے رابطہ کرسکتے ہیں این جی اوز کو ریلیف کی سرگرمیوں میں استعمال نہیں کیا گیا تاہم 19این جی اوز اب بھی کام کررہیں ہیں باقی آرگنائزیشن کو تعمیر نو کے کام میں استعمال کیا جائے گا۔
مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.