ترکی کے جنوب مشرقی علاقے میں جھڑپیں،سات ہلاک، کرفیو نافذ
منگل 15 دسمبر 2015 19:19
دیار بکر(اُردو پوائنٹ اخبارتازہ ترین - این این آئی۔15 دسمبر۔2015ء) ترکی کے کرد اکثریتی جنوب مشرقی علاقے میں سکیورٹی فورسز کے ساتھ جھڑپوں میں سات افراد ہلاک ہوگئے ۔حکام نے اس علاقے میں تشدد کے واقعات کے بعد کرفیو نافذ کردیا ہے۔غیرملکی خبررساں ادارے کے مطابق جنوب مشرقی شہر دیاربکر میں سکیورٹی فورسز کے کریک ڈاؤن کے خلاف احتجاج کرنے والے افراد کی پولیس کے ساتھ جھڑپیں ہوئیں جن میں دو افراد ہلاک ہوگئے ۔
ایک اور جنوب مشرقی صوبے مردین کے ضلع دارجچیت میں ترک سکیورٹی فورسز کی کارروائی میں پانچ کرد جنگجو مارے گئے ۔ترک حکام نے دیاربکر اور مردین کے علاقے میں جولائی میں کرد باغیوں کے ساتھ جنگ بندی کے خاتمے کے بعد سے وقفے و قفے سے کرفیو نافذ کر رکھا ہے،پولیس بکتربند گاڑیوں کے ساتھ دیاربکر کی شاہراہوں پر گشت کررہی ہے۔(جاری ہے)
شہر کے علاقے سور میں گذشتہ دو ہفتوں سے مسلسل کرفیو کے نفاذ کے خلاف کردنواز پیپلز ڈیمو کریٹک کی اپیل پر سیکڑوں افراد نے احتجاجی مظاہرہ کیا ہے۔
پولیس نے مظاہرین کو منتشر کرنے کے لیے اشک آور گیس کے گولے پھینکے ہیں اور ان پر پانی پھینکا ہے جواب میں مظاہرین نے پولیس کی جانب پتھراؤ کیا ہے۔شہر میں حکومت نے احتجاجی مظاہرے پر پابندی لگا رکھی تھی لیکن اس کے باوجود لوگوں نے سڑکوں پر آ کر احتجاج کیا ہے۔دکان داروں نے اپنی دکانیں بند رکھی ہیں،سڑکوں پر چند ایک بسیں نظر آرہی تھیں اور اسکولوں میں بھی طلبہ کی حاضری کم رہی تھی۔شام اور عراق کی سرحد کے نزدیک واقع ترک صوبے سرناک کے گورنر نے دو قصبوں چیزر اور سیلوپی میں سوموار کی شب سے رات کا کرفیو نافذ کردیا ہے۔عینی شاہدین کے مطابق ان دونوں قصبوں کے داخلی دروازوں پر پولیس کی بھاری نفری تعینات ہے۔گورنر کے دفتر کی جانب سے جاری کردہ بیان میں کہا گیا ہے کہ ''دونوں قصبوں میں علیحدگی پسند گروپوں کے ارکان کو الگ تھلگ کرنے اور بارود سے بھری خندقوں کی صفائی کے لیے کرفیو نافذ کیا گیا ہے تاکہ امن عامہ کو بحال کیا جاسکے۔شام کی سرحد کے نزدیک واقع ایک اور ترک قصبے نصیبین میں بھی کرفیو نافذ کردیا گیا ہے۔ترکی کی ہیومن رائٹس فاؤنڈیشن کے فراہم کردہ اعداد وشمار کے مطابق اگست کے وسط کے بعد سے ترکی کے سات صوبوں میں وقفے وقفے سے باون مرتبہ کرفیو نافذ کیا جاچکا ہے۔ان کرفیو سے متاثرہ علاقوں میں تیرہ لاکھ سے زیادہ افراد رہتے ہیں۔مزید بین الاقوامی خبریں
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.