ڈ ی جی آئی ایس پی آر نے چارسدہ حملے میں ملوث دہشت گردوں کے رابطوں کی ٹیلیفونک گفتگو، صحافی کوکی گئی کال اوراستعمال ہونے والی افغان سم کا نمبرفراہم کردیا
حملہ کرنے والے دہشت گردوں کو افغان سم نمبر0093774021675سے کال کی گئی، ٹیلیفونک گفتگو میں دہشت گردوں نے یونیورسٹی پر حملے کی ذمہ داری قبول کی ہمیں دربدر کر رہے ہیں یہ کون ہیں، سیاسی نظام کا حصہ ہیں، جمہوریت اور طاغوتی نظام کا حصہ ہیں، دہشتگردوں کی صحافی سے ٹیلیفونک گفتگو
ہفتہ 23 جنوری 2016 20:15
پشاور (اُردو پوائنٹ اخبارتازہ ترین - آئی این پی۔23 جنوری۔2016ء) ڈائریکٹر جنرل آئی ایس پی آر لیفٹیننٹ جنرل عاصم سلیم باجوہ نے سانحہ چارسدہ کی تحقیقات بارے میڈیا کو دی گئی بریفنگ میں دہشت گردوں کے رابطوں کی ٹیلیفونک گفتگو، دہشت گرد کی جانب سے پاکستان میں صحافی کوکی گئی کال اوراستعمال ہونے والی افغان سم کا نمبر بھی شیئر کیا اور کہاکہ حملہ کرنے والے دہشت گردوں کو افغانستان کے نمبر0093774021675سے کال کی گئی، دہشت گردوں نے ٹیلیفونک گفتگو میں دہشت گردوں نے یونیورسٹی پر حملے کا ا عتراف کیا،افغانستان سے دہشت گرد کی پاکستان میں رپورٹر کو کی گئی کال میں یہ کہا گیا کہ یہ جو چارسدہ میں عبدالولی خان یونیورسٹی پر اٹیک ہوا ہے یہ ہمارے بندے ہیں،جس پر صحافی نے کہا کہ یہ تو یونیورسٹی ہے،یہ تو پھر آرمی پبلک سکول والا معاملہ ہو گیا، جس کے جواب میں کہا گیا کہ یہ تو صحیح ہے کیونکہ جو ہمیں دربدر کر رہے ہیں یہ کون ہیں، سیاسی نظام کا حصہ ہیں، جمہوریت اور طاغوتی نظام کا حصہ ہیں، تحریک طالبان کی طرف سے ہم ذمہ داری قبول کرتے ہیں، صحافی کی جانب سے سوال کیا گیا کہ یہ کتنے بندے ہیں جو اندر گئے ہیں اور یہ سب خود کش ہیں یا ویسے ہی ہیں، جس پر دہشت گرد کی جانب سے جواب دیا گیا کہ یہ سب فدائی ہیں، فدائیوں کے نام عمر، عثمان، علی محمداور عابد ہیں، صحافی کی جانب سے سوال کیا گیا کہ کیا یہ ان کے اپنے نام ہیں یا کوڈ نام ہیں، جس پر جواب دیا گیا کہ یہ ان کے اپنے نام ہیں،صحافی کی جانب سے کہاگیا کہ2 کی تو اطلاعات ہیں کہ وہ مر گئے ہیں، جس پر جواب دیا گیا کہ ہمیں اطلاع ہے کہ ایک شہید ہوا ہے اور 3کارروائی کر رہے ہیں، انہوں نے دعویٰ کیا تھا کہ ہم ان کے معاونین اور سہولت کار سب کو ختم کر دیں گے، اس پر عمل بھی شروع کیا گیا، ہمارے 332 بندے پھانسی پر چڑھا دیئے، ان سب کو نام دیا گیا کہ یہ مجاہدین کے سہولت کار ہیں، کل بھی پشاور اور ڈی آئی خان میں ہمارے بندے مارے گئے۔
متعلقہ عنوان :
مزید اہم خبریں
-
یو این جنرل اسمبلی: ہر سال 24 مئی کو یوم مارخور منانے کا فیصلہ
-
ملک میں بارشوں کا نیا سلسلہ داخل ہو گیا
-
اگر ملک چلانا ہے تو پھر نیب کے ادارے کو ختم کرنا پڑے گا
-
مشرقی افریقہ: بارشوں اور سیلاب کے دوران یو این امدادی کارروائیاں جاری
-
ایکسٹینشن بربادی کا راستہ ہے
-
سچ یہ ہے کہ یہ الیکشن تحریک انصاف جیت چکی
-
ملک میں رواں سال کی پہلی ہیٹ ویو کا الرٹ جاری
-
اگر میں نے فارم 47 کی بات کی تو ن لیگ منہ نہیں چھپا سکے گی
-
وزیرخزانہ کی ایف بی آرکو محصولات وصولی کا ہدف حاصل کرنے کیلئے ہر ممکن کوشش کی ہدایت
-
گندم اور چینی کا بحران پیدا کرنے کی ایک پوری اکانومی ہے
-
وزیراعظم محمد شہباز شریف سے چیئرمین پاکستان پیپلز پارٹی بلاول بھٹو زرداری کی ملاقات
-
سندھ حکومت سٹنٹنگ سمیت ہر قسم کی غذائی قلت کے خاتمے کیلئے اقدامات کر رہی ہے، وزیراعلیٰ سندھ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.