حیدر آباد ٹاؤن،چوری کا الزام ،زرعی فارم کاچوکیدار دل کا دورہ پڑنے پر چل بسا
بدھ 27 جنوری 2016 17:15
حیدر آباد ٹاؤن(اُردو پوائنٹ اخبارتازہ ترین - آن لائن۔27 جنوری۔2016ء) زرعی فارم سے بیٹریاں چوری ہونے کے بعد فارم کے چوکیدار پر مقدمہ پولیس کی طرف سے حراساں کرنے پر چوکیدار دل کا دورہ پڑنے سے جاں بحق، ورثاء کا لاش مین شاہراہ پر رکھ کر پولیس کے خلاف شدید احتجاج، نعرے بازی، ٹائر جلا کر کئی گھنٹے تک روڈ بلاک کیے رکھا، متوفی چار بچوں کا باپ تھا، تفصیلات کے مطابق زرعی فارم چک 60 شمالی خضر آباد میں 35 سالہ اخلاق نامی شخص بطور چوکیدار ملازمت کرتا تھا، زرعی فارم میں تعمیر و مرمت کا کام شروع تھا کہ بیٹریاں چوری ہو گئیں، جس پر زرعی فارم انتظامیہ نے اپنے فارم کے چوکیدار 35 سالہ اخلاق کے خلاف تھانہ جھال چکیاں میں مقدمہ درج کروا دیا، اخلاق کے ورثاء کے مطابق جھال چکیاں پولیس نے جھوٹا مقدمہ درج کیا اور اخلاق کو گرفتار کرنے کیلئے س کے گھر اور دیگر مقامات پر چھاپے مار کر اسے بھگایا گرفتاری کے خوف سے اسے دل کا دورہ پڑا جو جان لیوا ثابت ہوا، مظاہرین نے اس کی لاش سکیسر اڈا بھلول روڈ پر رکھ کر ٹائروں کو آگ لگا کر روڈ بلاک کر دیا، جس سے ٹریفک کی لمبی قطاریں لگ گئیں، مظاہرین جن میں خواتین کی بڑی تعداد بھی شامل تھی نے شدید احتجاج کرتے ہوئے سینہ کوبی کی، اخلاق کی موت کا ذمہ مقامی پولیس کو ٹھہراتے ہوئے زرعی فارم کی انتظامیہ اور پولیس کو اخلاق کی موت کا ذمہ دار قرار دیتے ہوئے ان کے خلاف فوری طور پر مقدمہ درج کرنے کا مطالبہ کیا، پولیس کی طرف سے مبینہ طور پر حراساں کرنے سے زرعی فارم کے چوکیدار کی موت اور روڈ بلاک کر کے احتجاج کرنے کے واقعہ کا وزیر اعلیٰ پنجاب میاں شہباز شریف اور آئی جی پولیس پنجاب مشتاق سکھیرا نے فوری طور پر رپورٹ طلب کر لی ہے، دریں اثناء جاں بحق ہونے والے اخلاق کے بھائی مشتاق اور مقامی شخصیت سرفراز بھٹی سمیت متوفی کے ورثاء نے الزام عائد کیا کہ تھانہ جھال چکیاں پولیس زرعی فارم انتظامیہ کے زیر اثر ہے، اور آئے روز لوگوں کے خلاف جھوٹے مقدمات درج کر کے انہیں حراساں کیا جا رہا ہے۔
مزید اہم خبریں
-
نائب وزیراعظم محمد اسحاق ڈارکی ورلڈ اکنامک فورم کے اجلاس کے موقع پر سعودی وزیر توانائی شہزادہ عبدالعزیز بن سلمان سے ملاقات
-
ضلع خیبر میں سکیورٹی فورسز کا آپریشن، 4 دہشتگرد مارے گئے
-
پنجاب میں عام تعطیل کا اعلان
-
گلگت بلتستان میں پن بجلی کی بے پناہ صلاحیت کو ترقی کیلئے استعمال کرنے کی ضرورت ہے، صدر مملکت آصف علی زرداری کی گلگت بلتستان کے گورنر اور وزیر اعلیٰ سے ملاقات میں گفتگو
-
وفاقی وزیرداخلہ محسن نقوی کا پاسپورٹ آفس کا دورہ ، شہریوں سے مسائل دریافت کئے
-
عام انتخابات میں شب خون مارا گیا، الیکشن کمیشن کو پہلے سے فارم 47 لکھ کر دیئے گئے
-
جلسہ کرنا پی ٹی آئی کا آئینی حق ہے، اسد قیصر کے مطالبے کی حمایت کرتا ہوں
-
غزہ میں جنگ بندی کے لیے سعودی عرب میں ملاقات
-
وزیردفاع خواجہ محمد آصف سے ترکیہ کی بری افواج کے کمانڈرجنرل سیلکوک بایراکتاراوغلو کی ملاقات
-
مرضی کے ریفری کیساتھ میچ کھیلنے والے مافیا کو رفیق تارڑ اور جسٹس قیوم جیسے ججز ہی بھاتے ہیں
-
اسٹیٹ بینک آف پاکستان یکم مئی کو یوم مزدورکے موقع پر بند رہے گا
-
پاکستان اور آسٹریا کے درمیان تجارت کے فروغ کیلئے عملی اقدامات کی ضرورت ہے‘چوہدری شافع حسین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.