سربراہ عوامی تحریک کی کراچی سمیت ملک بھر کی تنظیموں کو کراچی سانحہ کیخلاف احتجاج کرنیکی ہدایت
ملک میں جمہوریت کے نام پر نازی ازم کا راج ہے،حکمرانوں کی کوئی اخلاقیات نہیں ‘قائدپاکستان عوامی تحریک
منگل 2 فروری 2016 22:05
لاہور(اُردو پوائنٹ اخبارتازہ ترین - این این آئی۔02 فروری۔2016ء ) پاکستان عوامی تحریک کے سربراہ ڈاکٹر طاہر القادری نے کہا ہے کہ سانحہ ماڈل ٹاؤن شہداء کو انصا ف مل جاتا تو بھیڑیا صفت حکمرانوں کو مزید بے گناہوں کی جانیں لینے کی جرأت نہ ہوتی،ملک میں جمہوریت کے نام پر نازی ازم قائم ہے،پی آئی اے سمیت قومی اداروں کو اپنے حواریوں کے ہاتھوں اونے پونے بیچنے پر بضد حکمرانوں نے بربریت کی انتہا کر دی،سربراہ عوامی تحریک نے کراچی کے دلخراش واقعہ پر کراچی سمیت ملک بھر کی تنظیمات کو احتجاجی مظاہرے کرنے کا حکم دیا۔
انہوں نے مزید کہا کہ کراچی میں پرامن مظاہرین پر فائرنگ کے واقعہ کا مقدمہ وزیراعظم اور وفاقی وزراء کے خلاف درج ہونا چاہیے۔دریں اثناء پاکستان عوامی تحریک کے سیکرٹری جنرل خرم نوازگنڈاپور کی زیر صدارت مشاورتی کونسل کا ہنگامی اجلاس منعقد ہوا ۔(جاری ہے)
اجلاس میں کراچی میں پی آئی اے کے پرامن ملازمین پر فائرنگ کے واقعہ کی شدید الفاظ میں مذمت کی گئی۔
اجلاس میں ،چیف آرگنائزر میجر(ر) محمد سعیداور ڈپٹی سیکرٹری جنرل خواجہ عامر فرید کوریجہ ،مرکزی سیکرٹری اطلاعات نوراﷲ صدیقی، سیکرٹری کوآرڈینیشن ساجد بھٹی،مظہر علوی، عرفان یوسف اور ویمن لیگ کی رہنماؤں نے شرکت کی۔ اجلاس سے خطاب کرتے ہوئے سیکرٹری جنرل نے کہا کہ وفاقی وزیر اطلاعات نے گزشتہ روز کھلے عام دھمکی دیتے ہوئے کہا تھا کہ پی آئی اے کی نجکاری کے خلاف احتجاج کرنے والوں کے پر کاٹ دئیے جائینگے۔اس دھمکی پر حکمرانوں نے کراچی میں عمل کر کے دکھا دیا۔حکمران خوف و ہراس پھیلا کر لوٹ مار کا بازار گرم رکھنا چاہتے ہیں۔انہوں نے کہا کہ ہم مطالبہ کرتے ہیں کہ کراچی میں ہونیوالی قتل و غارت گری کے واقعہ کی تفتیش کا آغاز وفاقی وزیر اطلاعات سے کیاجائے۔میجر(ر) محمد سعید نے کہا کہ وفاقی وزیر ریلوے نے بھی گزشتہ روز مزدور رہنماؤں کے سروں سے ریل گزارنے کی دھمکی دی ہم چیف جسٹس آف پاکستان اور آرمی چیف سے کہتے ہیں کہ وہ ریلوے کے ملازمین کو تحفظ دیں اور وفاقی وزیر ریلوے کی اس دھمکی کا نوٹس لیں، ن لیگ کے وزراء وحشت اور بربریت پر اتر آئے ہیں،ابھی سانحہ ماڈل ٹاؤن کے شہداء کے خون کے چھینٹے خشک نہیں ہوئے کہ مزید جانیں لی جارہی ہیں۔انہوں نے کہا کہ ن لیگ عملاً خون لیگ بن چکی ہے۔ڈپٹی سیکرٹری جنرل خواجہ عامر فرید کوریجہ نے کہا کہ ملک میں سول مارشل لاء نافذ ہے۔ جعلی الیکشن کے نتیجے میں برسراقتدار فرعون حکمرانوں کو عوام مزید برداشت کرنے کیلئے تیار نہیں ہیں۔رہنماؤں نے کہا کہ پی آئی اے کے جاں بحق ملازمین کے لواحقین سے دلی تعزیت کا اظہار کرتے ہیں اور دعا کرتے ہیں کہ اﷲ تعالیٰ انہیں صبر دے اور ان قاتل حکمرانوں کو ان کے انجام تک پہنچائے۔مزید قومی خبریں
-
وزیر اعلیٰ مریم نواز کی زیر صدارت پلاننگ اینڈ ڈویلپمنٹ بورڈ آفس میں پانچ گھنٹے طویل اجلاس، 33 سپیشل پراجیکٹس پر پیشرفت کا جائزہ
-
وزیراعلیٰ مریم نوازکی زیر صدارت اجلاس، 33 سپیشل پراجیکٹس پر پیشرفت کا جائزہ
-
سابق گورنرعمرسرفرازچیمہ کے جسمانی ریمانڈ میں توسیع نہ کرنے کے خلاف کیس میں سماعت ملتوی
-
وزیراعلیٰ سندھ کی زیر صدارت پاکستان پیپلز پارٹی لاڑکانہ ڈویژن کا اجلاس
-
وزیر اعلی پنجاب کی زیر صدارت سی بی ڈی اتھارٹی کے پراجیکٹس سے متعلق اجلاس، آئی ٹی سٹی میں سلیکون کلسٹر پر پیشرفت کا جائزہ لیا گیا
-
پاکستان مسلم لیگ (ن) کی جنرل کونسل کا اجلاس 28 مئی کو ہو گا، مریم اورنگزیب
-
او آئی سی میں غزہ میں جاری مظالم ، مسئلہ کشمیراوراسلامو فوبیا پر آواز اٹھانا ہمارا ایجنڈا تھا،نائب وزیراعظم و وزیرخارجہ کی پریس کانفرنس
-
سوشل میڈیا پر حکومت مخالف مہم چلانے پر یو کے پلٹ شخص گرفتار
-
پاسپورٹ کی فاسٹ ٹریک فیس میں اضافہ کردیا گیا
-
وزیر اعلیٰ مریم نواز شریف نے وعدہ پورا کردیا
-
اپریل میں بارشوں کا 41 سال پرانا ریکارڈ ٹوٹ گیا
-
پاسپورٹ کی فاسٹ ٹریک کیٹیگری کی فیسوں میں اضافہ کردیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.