پاکستانی بزنس مین اب تین سال کے ملٹی پل ویزے پر بھارت کے 15 شہروں کا سفر کرسکیں گے
جمعرات 4 فروری 2016 11:28
کراچی(اُردو پوائنٹ اخبار تازہ ترین ۔04 فروری 2016ء): جنوبی ایشیائی ممالک کے کاروباری افراد کی بھارت میں آزادانہ نقل وحرکت کے لئے خصوصی ویزے’انڈین بزنس کارڈ‘کا اعلان کیا گیا ہے جس کا نفاذ یکم اپریل سے کیا جا رہا ہے۔ تفصیلات کے مطابق بھارتی جریدے’انڈیا ٹوڈے‘، اور برطانوی اخبار’ڈیلی میل‘ نے وزارت داخلہ حکام کے حوالے سے بتایا ہے کہ بھارت جنوبی ایشیائی ممالک کے کاروباری حضرات کو اس کارڈ کے ذریعے آزادانہ نقل وحرکت کی اجازت دے گا تاہم سارک ممالک میں محض پاکستانی کاروباری افراد کیلئے نئے ویزا قوانین میں چند شرائط لاگو کی گئی ہیں۔
ایسے پاکستانی بزنس مین ،اب بھارتی بزنس کارڈ حاصل کر سکتے ہیں جن کی کمپنی کی مالیت ایک کروڑ روپے ہو اور ان کا سالانہ منا فع دس لاکھ روپے ہو۔(جاری ہے)
دوسری لاگو کی گئی شرط کے مطابق وہ بزنس مین پاکستان میں کسی بھی چیمبر آف کامرس کا رکن ہوجو بھارت کی طرف سے تسلیم شدہ ہو۔ ان شرائط پر پورا اترنے والے پاکستانی تاجر تین سالہ ملٹی پل اینٹری کارڈ کے اہل ہوں گے۔
وزارت داخلہ حکام کا کہنا ہے کہ سارک ممالک کےلئے بزنس کارڈ کا طریقہ کار طے کرنے کے دوران پاکستان پر خصوصی شرائط عائد کرنے کا فیصلہ کیا گیا۔ پاکستانی تاجروں پریہ شرائط انٹیلی جنس ایجنسیوں کی طرف سے اٹھائے گئے خدشات پر عائد کی گئی ہیں تاہم پاکستانی تاجروں کیلئے چند ریلیف اقدامات کی پیشکش بھی کی جا رہی ہے۔ پاکستانی شہریوں کےلئے ویزے کی معیاد تین سال ہوگی ۔ اس ویزے کے عوض وہ بھارت کے 15شہروں کا دورہ کرسکیں گے جبکہ اس وقت پاکستانی تاجروں کو ایک سال کی مدت کے لئے ملٹی پل اینٹری بزنس ویزا دیا جاتا ہے جس میں وہ دس شہروں کا سفر کرسکتے ہیں۔ نئی اسکیم کے تحت پاکستانی کاروباری افراد کو مقامی پولیس اسٹیشن پر رپورٹ کرنے سے بھی مستثنیٰ قرار دیا گیا ہے تاہم کسی دوسری کیٹیگری کے ویزے پر بھارت آنے والے پاکستانیوں کویہ استثنیٰ حاصل نہیں ہوگا۔ پاکستان کے مقابلے میں سری لنکا، بنگلہ دیش اور مالدیپ جیسے سارک ممالک کے لئے بزنس ویزا بلاشرط ہے جبکہ بھوٹان اور نیپال کے شہری فری ویزہ سروس سے فائدہ اٹھاتے ہیں یعنی انہیں بھارت آنے کے لئے ویزہ لینے کی ضرورت ہی نہیں۔ گزشتہ سال کھٹمنڈو میں سارک سربراہی کانفرنس کے دوران مودی نے تمام سارک ممالک کے شہریوں کے لئے 3 سے5 سال تک کی مدت کے کاروباری ویزوں کا اعلان کیا تھا جس کے تحت جنوبی ایشیا میں علاقائی تجارت کے فروغ کیلئے بھارت کی طرف سے خصوصی کاروباری ویزاا سکیم کا نفاذ یکم اپریل سے کیے جانے کا امکان ہے۔ حکام نے بھارتی سکیورٹی پرنٹنگ پریس کو ’انڈین بزنس کارڈ‘کی طباعت کا حکم دے دیا ہے۔ اسکیم کو جلد نافذ کیے جانے کی توقع ہے۔مزید اہم خبریں
-
نائب وزیراعظم محمد اسحاق ڈارکی ورلڈ اکنامک فورم کے اجلاس کے موقع پر سعودی وزیر توانائی شہزادہ عبدالعزیز بن سلمان سے ملاقات
-
ضلع خیبر میں سکیورٹی فورسز کا آپریشن، 4 دہشتگرد مارے گئے
-
پنجاب میں عام تعطیل کا اعلان
-
گلگت بلتستان میں پن بجلی کی بے پناہ صلاحیت کو ترقی کیلئے استعمال کرنے کی ضرورت ہے، صدر مملکت آصف علی زرداری کی گلگت بلتستان کے گورنر اور وزیر اعلیٰ سے ملاقات میں گفتگو
-
وفاقی وزیرداخلہ محسن نقوی کا پاسپورٹ آفس کا دورہ ، شہریوں سے مسائل دریافت کئے
-
عام انتخابات میں شب خون مارا گیا، الیکشن کمیشن کو پہلے سے فارم 47 لکھ کر دیئے گئے
-
جلسہ کرنا پی ٹی آئی کا آئینی حق ہے، اسد قیصر کے مطالبے کی حمایت کرتا ہوں
-
غزہ میں جنگ بندی کے لیے سعودی عرب میں ملاقات
-
وزیردفاع خواجہ محمد آصف سے ترکیہ کی بری افواج کے کمانڈرجنرل سیلکوک بایراکتاراوغلو کی ملاقات
-
مرضی کے ریفری کیساتھ میچ کھیلنے والے مافیا کو رفیق تارڑ اور جسٹس قیوم جیسے ججز ہی بھاتے ہیں
-
اسٹیٹ بینک آف پاکستان یکم مئی کو یوم مزدورکے موقع پر بند رہے گا
-
پاکستان اور آسٹریا کے درمیان تجارت کے فروغ کیلئے عملی اقدامات کی ضرورت ہے‘چوہدری شافع حسین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.