پیمرا کونسل آف کمپلینٹس کوئٹہ کی تین کیبل ٹی وی کے لائسنس منسوخ کرنے اور ہم ٹی وی کو غیر اخلاقی مواد نشر کرنے پر معافی نشر کرنے کی ہدایت
منگل 1 مارچ 2016 20:06
اسلام آباد(اُردو پوائنٹ اخبارتازہ ترین - این این آئی۔یکم مارچ۔2016ء) پیمرا کونسل آف کمپلینٹس کوئٹہ نے پروفیسر آغا محمد ناصر کی زیر صدارت اپنے 32ویں منعقدہ اجلاس میں تین غیر فعال کیبل ٹی وی لائسنسوں کو منسوخ کرنے کی سفارش کر دی ۔ تفصیلات کے مطابق میسرز جھاندراں کیبل ٹی وی نیٹ ورک ڈسٹرکٹ کوہلو، میسرز ھوشاب کیبل ٹی وی نیٹ ورک ڈسٹرکٹ کچھ اورمیسرز راجہ جی کیبل ٹی وی نیٹ ورک ڈسٹرکٹ سبی پیمرا سے لائسنس حاصل کرنے کے باوجود اپنے نیٹ ورکس فعال نہ کر سکے جسکی بنا ء پر پیمرا قوانین کے تحت ان کی منسوخی عمل میں لائی جا رہی ہے۔
ہم ٹی وی کیخلاف غیر اخلاقی مواد نشر کرنے کی شکایت کی سماعت کرتے ہوئے کونسل نے مذکورہ چینل کو غیر اخلاقی مواد نشر کرنے اور ناظرین کی دل آزاری کرنے پر معافی نشر کرنے کی ہدایت کی ہے۔(جاری ہے)
کونسل کے فیصلہ کے مطابق معافی نشر نہ کرنے کی صورت میں ہم ٹی وی کیخلاف پیمرا قوانین کے تحت مزید کاروائی عمل میں لائی جائے ۔کونسل نے پیمرا کو تمام ٹی وی چینلز کو ہدایت نامہ جاری کرنے کے احکامات دیتے ہوئے کہا کہ ٹی وی چینلز کو ضابطۂ اخلاق کے مطابق پابند کیا جائے کہ وہ کوئی ایسا مواد نشر نہ کریں جس سے ناظرین کی دل آزاری ہو۔
میسرز کاٹ کول پرائیویٹ لمٹیڈ کو زیارت شہر کیلئے دیئے گئے ایف ایم ریڈیو (95.4 MHz)کی غیر فعالی کی شکایت کی سماعت کرتے ہوئے کونسل نے متعلقہ مالکان کو فی الفور نشریات شروع کرنے کے احکامات دیتے ہوئے کہا کہ مزید خلاف ورزی کی صورت میں ان کے خلاف پیمرا قوانین کے تحت لائسنس کی منسوخی کی کاروائی عمل میں لائی جا سکتی ہے۔ اجلاس میں دیگر کونسل ممبران بشمول ڈاکٹر راشدہ پانیزئی، ایڈووکیٹ میر عطاء اﷲلانگو، موسیٰ خان کاکڑ اور راحت علی (ریجنل جنرل منیجر/سیکریٹری کونسل ) بھی موجود تھے۔مزید قومی خبریں
-
یوم مزدور منانے کا مقصد شکاگو کے محنت کشوں کی جدوجہد کو یاد کرنا ، ملکی معیشت میں اس طبقے کا کردار ریڈھ کی ہڈی کی حیثیت رکھتا ہے، نواب ثنااللہ زہری
-
نائب وزیر اعظم اور وزیر خارجہ اسحاق ڈار او آئی سی کے 15 ویں سربراہی اجلاس میں شرکت کے لئے گیمبیا پہنچ گئے
-
حکومت محنت کشوں کی فلاح پر توجہ مرکز کیے ہوئے ہے‘ چودھری شافع حسین
-
پشاور میں آٹے کی قیمت مزید کم ہوگئی
-
محنت کش طبقے کی عزت و وقار اور حقوق کے تحفظ کے بغیر ترقی و خوشحالی کا خواب شرمندہ تعبیر نہیں ہو سکتا، وزیراعلیٰ خیبر پختونخوا علی امین گنڈا پور
-
ہمارا مذہب مزدور اور محنت کش طبقے کے حقوق کے تحفظ کا ضامن، ملکی تعمیر و ترقی انہی کی انتھک محنت کی مرہون منت ہے،سپیکر قومی اسمبلی سردار ایاز صادق کا پیغام
-
سندھ حکومت صنعتی و زرعی مزدوروں، خواتین ورکرز اور ہاریوں کی ترقی کے لئے پروگرام شروع کر رہی ہے،وزیراعلی ٰ سید مراد علی شاہ
-
پی ٹی آئی اور مولانا اکٹھے ہوگئے تو حکومت تین سے چار ماہ سے زیادہ نہیں چلے گی،فواد چودھری
-
اسٹیبلشمنٹ سے مذاکرات سب کے سامنے ہوں گے، کوئی پوشیدہ بات نہیں ہوگی، علی امین گنڈاپور
-
مرضی کے فیصلوں کیلئے ججوں پر دبائو بڑھایا جارہا ہے، شعیب شاہین
-
نارنگ منڈی، جہیز میں گاڑی نہ لانے کا رنج ، شوہر نے فائرنگ کر کے بیوی کو قتل کر دیا
-
وزیر اعلیٰ مریم نواز (کل )30 سے زائد فیلڈ ہسپتالوں کا افتتاح کریں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.