مرضی کے فیصلوں کیلئے ججوں پر دبائو بڑھایا جارہا ہے، شعیب شاہین

آئینی عہدوں پر بیٹھے لوگوں کی مدتِ ملازمت میں توسیع کی گئی تو یہ مفادات کا تصادم ہوگا، رہنماء پی ٹی آئی

منگل 30 اپریل 2024 22:50

مرضی کے فیصلوں کیلئے ججوں پر دبائو بڑھایا جارہا ہے، شعیب شاہین

اسلام آباد (اُردو پوائنٹ اخبارتازہ ترین - این این آئی۔ 30 اپریل2024ء) رہنماء پی ٹی آئی شعیب شاہین نے کہا ہے کہ مرضی کے فیصلے لینے کیلئے ججز پر دباو بڑھایا جارہا ہے۔

(جاری ہے)

سپریم کورٹ کے باہر میڈیا سے گفتگو کرتے ہوئے شعیب شاہین نے کہا کہ ججوں سمیت کسی کی بھی مدت ملازمت میں توسیع کے حق میں نہیں ہوں۔انہوں نے کہا کہ آئینی عہدوں پر بیٹھے لوگوں کی مدتِ ملازمت میں توسیع کی گئی تو یہ مفادات کا تصادم ہوگا۔انہوں نے کہا کہ مرضی کے فیصلے لینے کیلئے ججوں پر دباو بڑھایا جارہا ہے۔انہوں نے کہا کہ پی ٹی آئی کسی سے کوئی مذاکرات اس وقت تک نہیں کرے گی جب تک کٹھ پتلی حکومت نہیں چھوڑتے۔