نوشہرہ میں ممتاز قادری کو پھانسی کے خلاف احتجاجی مظاہرہ
ذیشان حیدر بدھ 2 مارچ 2016 21:59
نوشہرہ(اُردو پوائنٹ تازہ ترین ۔۔ آئی پی اے ۔۔ 02 مارچ۔2015ء)اہل سنت والجماعت ضلع نوشہرہ نے ممتاز قادری کو پھانسی کے خلاف زبردست احتجاجی مظاہرہ کیا جس کے شرکاء نے بینرز اور پلے کارڈ اٹھارکھے تھے جس پر ممتازقادری کو پھانسی کے خلاف نعرے درج تھے۔
(جاری ہے)
مظاہرین جامع مسجد نوشہرہ کینٹ سے ہوتے ہوئے شوبراچوک پہنچے جہاں پر مظاہرین سے خطاب کرتے ہوئے اہل سنت والجماعت کے ضلعی صدر قاری عابد شاہ نے کہا کہ پاکستانی حکمرانوں نے عاشق رسول کو پھانسی دیکر اپنے لئے عذاب الہٰی کو دعوت دی ہے اور نواز حکومت نے اﷲ اور اس کے رسول ؐ کے عاشق کو پھانسی دیکر استعماری قوتوں کو خوش کیاہے موجودہ حکومت تعلیمی اداروں میں تبلیغی حضرات پر پابندیاں لگانے علماء اور اہل مدارس کو تنگ کرنے اور مدارس کے خلاف کاروائیاں اس لئے کررہی ہے کہ ہماری حکومت کا جھکاؤ امریکہ اور دیگر سیکولر وغیرمذہبی ممالک کی طرف زیادہ ہے اس موقع پر مفتی سردا ر علی مفتی اسدآیاز، قاری عبدالباسط اور فضل دین نے بھی خطاب کیا انہوں نے ممتاز قادری کو پھانسی دینا دنیائے اسلام اور اسلام دشمنی کا ایک کھلا ثبوت ہے حکومت ہوش کے ناخن لے اور ملک کو مادر پدر آزادی دینے سے باز آجائیں کیونکہ تحفظ خواتین بل پاس کرنا شرعاً ناجائز ہے ہم اس کی مذمت کرتے ہیں اور یہ مطالبہ کرتے ہیں کہ فوری طورپر تحفظ خواتین بل کو واپس لیاجائے کیونکہ یہ ملک اسلام کے نام پر حاصل کردہ ملک ہے اس ملک میں کسی صورت مادر پدر آزادی اور علماء کو تنگ کرنے کا اجازت نہیں دے سکتے ہر حکمرانوں نے اپنا روش تبدیل نہ کیا تو نتائج بھیانک بھی ہوسکتے ہیں لیکن ہم ملک میں افراتفری اور انتشار پھیلانا نہیں چاہتے اسلام پرامن مذہب ہے اور پرامن رہنے کا درس دیتا ہے لیکن ہمارے جاہل حکمرانوں نے کبھی اسلام کا مطالعہ ہی نہیں کیا انہوں نے کہا کہ ممتاز قادری ایک عظیم مجاہدتھا اور صحیح معنوں میں انہوں نے حضورنبیؐ کریم کے سپاہی ہونے کا ثبوت دیا حکمران کتنے ممتاز قادریوں کو پھانسی پرچڑھائیں گے تحفظ ناموس رسالت پر ہراہل سنت ممتاز قادری بننے کیلئے تیار ہے۔
مزید قومی خبریں
-
منشیات فروشوں کے خلاف کریک ڈائون کر رہے ہیں، اسلحہ کی نمائش کی اجازت نہیں ہوگی ، شرجیل انعام میمن
-
راولپنڈی،پتریاٹہ پولیس کی کارروائی ،ناجائز اسلحہ پرملزم گرفتار
-
وزیراعلیٰ سندھ کی زیر صدارت ایپکس کمیٹی کا اجلاس
-
صوبائی وزیر صحت خواجہ عمران نذیر کی جناح ہسپتال آمد ،یورالوجی ٹرانسپلانٹ سنٹر کا دورہ کیا
-
گھریلو کنکشن کیلئے ایل این جی کی بنیاد پر ڈیمانڈ نوٹسز کی فیس مقرر
-
پنجاب کو مکمل طورپرپولیو فری بنانا ہمارا عزم، ویکسی نیشن مہم کی ذاتی طور پر مانیٹرنگ کررہی ہوں،مریم نواز
-
سید ناصرحسین شاہ کی کراچی یونین آف جرنلسٹس کے نومنتخب عہدیداروں کو مبارکباد
-
پیپلزپارٹی آزاد و خودمختار پریس کی حمایت کرتی ہے، جس کا جمہوری عمل کے فروغ میں کلیدی کردار ہے،بلاول بھٹو زرداری
-
گورنر سندھ کامران ٹیسوری کے ہمراہ وفاقی وزیر داخلہ محسن نقوی کا آئی ٹی مارکی کا دورہ
-
وفاقی وزیرداخلہ محسن نقوی کی کراچی میں چینی قونصلیٹ آمد،چین کے قونصل جنرل سے ملاقات
-
مجرموں کی سرپرستی یا سہولتکاری کرنے والا کوئی بھی ہو اس کے ساتھ کوئی بھی رعایت نہیں برتی جائے گی، شرجیل میمن
-
وزیراعلی سندھ سید مراد علی شاہ کی زیر صدارت 31 ویں ایپکس کمیٹی اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.