کاشتکار مارچ میں جوار ،روڈ گراس ، گنی گھاس ، مارٹ گراس، باجرہ ، مکئی ،سدا بہار،رواں اور گوارہ کی اگیتی کاشت مکمل کریں، محکمہ زراعت

اتوار 6 مارچ 2016 15:27

لاہور (اُردو پوائنٹ اخبارتازہ ترین - این این آئی۔06 مارچ۔2016ء) محکمہ زراعت نے رواں ماہ مارچ کے دوران جوار ،روڈ گراس ، گنی گھاس ، مارٹ گراس، باجرہ ، مکئی ،سدا بہار،رواں اور گوارہ کی اگیتی کاشت مکمل کرنے کی ہدایت کی ہے اور بتایاہے کہ پنجاب میں جانوروں کی تعداد ساڑھے چھ کروڑ سے زائد ہے جبکہ ان جانوروں کی سبز چارے کی ضروریات کو پور اکرنے کے لیے تقریباً 50لاکھ ایکڑ رقبہ پر چارہ جات کاشت کئے جاتے ہیں جن میں سے 22لاکھ ایکڑ رقبہ پر خریف چارے کی کاشت ہوتی ہے ۔

(جاری ہے)

ترجمان نے بتایاکہ موسم گرما کے آغاز پر مئی اور جون کے مہینوں میں جب ربیع چارے ختم ہوچکے ہوتے ہیں تو سبزچارے کی کمی شدت اختیار کرجاتی ہے لہٰذااس کمی کو پورا کرنے کے لیے چارہ جواریا چری ،روڈ گراس ، گنی گھاس ، مارٹ گراس، باجرہ ، مکئی ،سدا بہار، رواں اور گوارے کی مارچ میں اگیتی کاشت بہت ضروری ہے۔انہوں نے کہاکہ کاشتکار خریف چارہ جات کی کاشت وسط مارچ سے شروع کریں اور چاروں کی کاشت سے قبل ایسی منصوبہ بندی کریں تاکہ چارہ جات کی فی ایکڑ پیداوار میں خاطر خواہ اضافہ ہو ۔

Facebook Twitter Google + Share on Whatsapp

کاشتکار مارچ میں جوار ،روڈ گراس ، گنی گھاس ، مارٹ گراس، باجرہ ، مکئی ،سدا بہار،رواں اور گوارہ کی اگیتی کاشت مکمل کریں، محکمہ زراعت

متعلقہ عنوان :

مزید قومی خبریں