دنیا کے مختلف ممالک میں بھی یوم پاکستان کی تقاریب کا اہتمام
پاکستانی سفارتخانو ں میں پرچم کشائی،صدر مملکت اور وزیر اعظم کے پیغامات پڑھ کر سنائے گئے یوم پاکستان کی پریڈ دہشت گردوں کے لئے بڑا پیغام ہے ،جلیل عباس جیلانی
بدھ 23 مارچ 2016 15:11
نئی دہلی،بیجنگ،کابل ،انقرہ،واشنگٹن(اُردو پوائنٹ اخبارتازہ ترین - آن لائن۔23 مارچ۔2016ء) ملک بھر کی طرح دنیا کے مختلف ممالک میں بھی یوم پاکستان ملی جوش و جذبہ سے منایا گیا،چین میں پاکستان کے سفیر خالد نے بیجنگ میں پاکستانی سفارتخانہ میں پرچم کشائی کی اس موقع پر خطاب کرتے ہوئے ان کا کہنا تھا کہ چین اور پاکستان اقتصادی ترقی ،عوام کی خوشحالی اور خطہ میں امن اور سلامتی کے لئے ایک دوسرے کے شانہ بشانہ کام کررہے ہیں اس کے علاوہ شنگھائی ،چینگ ڈو،گوانگ زو اور ہانگ کانگ میں بھی پرچم کشائی کی تقاریب کا اہتمام کیا گیا ،ترکی کے دارالحکومت انقرہ میں بھی پاکستانی سفارتخانہ میں یوم پاکستان کی تقریب ہوئی جس میں سفیر سہیل محمود نے پاکستان کا سبز ہلالی پرچم لہرایا اور پاکستان کی آزادی کی تاریخی جدوجہد اور پاک ترک تعلقات پر روشنی ڈالی اس موقع پر پاکستان ایمبیسی سکول کے طلباء نے قومی ترانہ سنایا اور ملی نغمے پیش کئے ،ابو ظہبی میں بھی پاکستانی سفارتخانہ نے یوم پاکستان کو جوش و جذبہ سے منایا ،سفیر آصف درانی نے پرچم کشائی کے بعد تقریب کے شرکاء سے خطاب کیا،ایران میں پاکستانی سفیر نور محمد جادمانی،نئی دہلی میں پاکستانی ہائی کمشنر عبد الباسط،فرانس میں پاکستان کے سفیر غالب اقبال اور افغانستان میں پاکستان کے سفیر سید ابرار حسین نے یوم پاکستان کی مناسبت سے تقاریب منعقد کیں اور قومی پرچم لہرائے ،اس موقع پر صدر مملکت اور وزیر اعظم کے پیغامات پڑھ کر سنائے گئے جبکہ تارکین وطن پاکستانیوں کے بچوں نے قومی ترانے پڑھ کر سنائے اور ملی نغمے پیش کئے ،واشنگٹن میں پاکستانی سفارت خانے میں بھی یوم پاکستان کے حوالے سے تقریب ہوئی اس موقع پر امریکہ میں پاکستانی سفیر جلیل عباس جیلانی نے کہا کہ یوم پاکستان کی پریڈ دہشت گردوں کے لئے بڑا پیغام ہے ،پاکستان میں امن واپس آرہا ہے ،معیشت تیزی سے بہتر ہور ہی ہے آخری دہشت گرد کے خاتمے تک قوم اور فوج ڈٹی رہے گی۔
متعلقہ عنوان :
مزید اہم خبریں
-
عوام کیلئے مہنگائی کا ایک اور "تحفہ" بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
-
غیر قانونی بھرتیاں کیس، پرویزالٰہی کی درخواست ضمانت 2مئی کو سماعت کیلئے مقرر
-
نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط
-
جب تک پنجاب حکومت گندم نہیں خریدے گی مسئلہ حل نہیں ہوسکتا
-
چیف جسٹس قاضی فائزعیسیٰ کی مزارقائد پرحاضری ، فاتحہ خوانی ،تاثرات قلمبند کئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.