گوبر کی کھاد کا استعمال پودوں کو غذائی اجزاء کی فراہمی اورزمین کے طبعی و کیمیائی خواص کیلئے انتہائی اہمیت کا حامل ہے،زرعی ماہرین

ہفتہ 7 مئی 2016 13:54

فیصل آباد۔7 مئی(اُردو پوائنٹ اخبارتازہ ترین - اے پی پی۔07 مئی۔2016ء ) ماہرین زراعت نے کہا ہے کہ گوبر کی کھاد کا استعمال پودوں کو غذائی اجزا ء کی فراہمی سمیت زمین کے طبعی و کیمیائی خواص کیلئے انتہائی اہمیت کا حامل ہے لیکن گذشتہ کچھ عرصہ سے زرعی تعلیم نہ ہونے کے باعث اس کے استعمال میں کچھ بنیادی خرابیاں پائی جاتی ہیں جس سے فصل اور زمین کو اس کا مکمل فائدہ نہ پہنچ رہا ہے لہٰذا کسانوں ، کاشتکاروں ، زمینداروں کو چاہیے کہ وہ گوبر کی کھاد سے بھر پور فائدہ اٹھانے کیلئے اس کا موثر استعمال یقینی بنائیں،ایک ملاقات کے دوران انہوں نے کہا کہ گوبر کی کھاد یورین اور گوبر پر مشتمل ہوتی ہے،یورین میں موجود نائٹروجن یوریا کھاد جیسی کیمیائی شکل میں موجود ہوتی ہے لیکن گوبر کے ڈھیر کو کھلی شکل میں چھوڑ دینے کے باعث اس میں سے تین ہفتوں کے اندر اندر 90فیصد نائٹروجن ضائع ہو جاتی ہے۔

(جاری ہے)

انہوں نے کہا کہ گوبر کی کھاد جتنی زیادہ گلی سڑی ہو گی اس کے فوائد اتنے ہی زیادہ ہوں گے۔ انہوں نے کاشتکاروں کو ہدائت کی کہ وہ گوبر کو مناسب طریقے سے سٹور کریں تاکہ اس کے اثرات کو ضائع ہونے سے بچایا جا سکے۔

Facebook Twitter Google + Share on Whatsapp

گوبر کی کھاد کا استعمال پودوں کو غذائی اجزاء کی فراہمی اورزمین کے طبعی و کیمیائی خواص کیلئے انتہائی اہمیت کا حامل ہے،زرعی ماہرین

متعلقہ عنوان :

مزید تجارتی خبریں