سوات میں بچوں کو اغوا کرکے زیادتی کا نشانہ بنانے والے گروہ کا سرغنہ اورنگزیب کو گرفتار کرلیا گیا
ڈیرے میں ساڑھے دو سال سے رکھے ایک اور بچے کو بازیاب کرالیا گیا
ہفتہ 7 مئی 2016 20:04
سوات (اُردو پوائنٹ اخبارتازہ ترین - این این آئی۔07 مئی۔2016ء) سوات میں بچوں کو اغوا کرکے زیادتی کا نشانہ بنانے والے گروہ کا سرغنہ اورنگزیب کو گرفتار کرلیا گیا ،ڈیرے میں ساڑھے دو سال سے رکھے ایک اور بچے کو بازیاب کرالیا گیا ،دو ماہ قبل بھی اس کے ڈیرے سے تیرہ سالہ لڑکے کو بازیاب کرالیا گیا تھا ،ڈیرے سے چرس اور نقد رقم بھی برآمد کرلی گئی ، بچوں کی اغوائیگی میں ملوث گاڑی ڈرائیور کو بھی حراست میں لے لیا گیا، ڈی ایس پی سٹی صدیق اکبر نے مینگورہ پولیس اسٹیشن میں ایس ایچ او مینگورہ اخترایوب، ایس ایچ او بنڑ عالمزیب خان اور ڈی ایس بی کے انچارج فضل علی باچا کے ہمراہ میڈیا کانفرنس کرتے ہوئے بتایا کہ ملزم اورنگزیب ولد سلاردین نے دیگر ساتھیوں کے ہمراہ معصوم بچوں کو ورغلاپھسلا کر اپنے مخصوص ڈیرے پر رکھ کر ذیادتی کا نشانہ بناتے تھے ،فروری 2016ء میں اس کے ڈیرے پر چھاپہ مارکر تیرہ سالہ مہران ولد تاج رحمن سکنہ ملوک آباد کو بازیاب کرکے ایک ملزم سجاد ولد اختیار مندکو گرفتار کرلیا جبکہ مرکزی ملزم اورنگزیب فرار ہوگیا ،انہوں نے کہاکہ گذشتہ شب پولیس نے ملزم اورنگزیب کے ڈیرے پر چھاپہ مارا تو ایک اوربچے چودہ سالہ بچے عبدالرحمن ولد رحمانی گل سکنہ شاہدرہ کو بازیاب کرالیا اس موقع پر ملزم اورنگزیب دھرلیا گیا جس کی نشاندہی پر ایک اور ملزم ڈرائیور عمرخالق ولد نواب کو بھی گرفتار کرلیا گیا ہے ،ملزمان نے عبدالرحمن کو ڈہائی سال قبل اغوا کرکے پاؤں میں زنجیر باندھ کر ہوس کا نشانہ بناتے تھے ،ملزم اورنگریزیب کو عدالت میں پیش کر کے دوروزہ جسمانی ریمانڈ پر پولیس کے حوالے کردیا گیا ہے جن سے مزید تفتیش کی جارہی ہے تاکہ گینگ میں شریک دیگر ملزمان کو بھی گرفتار کیا جاسکے،سوات پولیس نے بچوں کی مبینہ اغوائیگی کے ماسٹر مائنڈ اورنگزیب اور مغوی بچے عبدالرحمن کو عدالت میں پیش کردیا ،پولیس کے مطابق مغوی بچے نے عدالت کے روبرواپنا بیان قلم بند کردایا جبکہ ملزم اورنگ زیب کو پولیس کو دو روزہ جسمانی ریمانڈپر پولیس کے حوالے کردیا گیا ہے جن سے مزید تفتیش کی جارہی ہے ،مرکزی ملزم پچاس سالہ غیر شادی شدہ اورنگزیب نے میڈیا کو بتایاکہ انہوں نے کوئی جرم نہیں کیا بلکہ سجاد اور عمر خالق عرف نواب انہیں بلیک میل کرکے میری جائیداد اور کاروبار پر قبضہ جمانے کے لئے مجھے پھنسانے کی ساز ش کررہے ہیں ،انہوں نے کہا کہ عبدالرحمن کوسجاد اور عمرخالق لائے تھے اور میں نے اسے نوکری دیکر اپنے بیٹے کی طرح پالا ہے جبکہ مہران کو دیکھا تک نہیں انہوں نے کہاکہ میں بالکل بے قصورہوں میرے ساتھ انصاف کیا جائے۔
مزید قومی خبریں
-
امریکی سفیر سے آئین کی بالادستی، ملٹری کورٹس پر بات ہوئی، عمرایوب
-
خیبر پختونخوا میں حالیہ بارشوں نے تباہی مچا دی
-
لاہور ، بدنام زمانہ ڈکیت گینگ کے 2ارکان گرفتار
-
پاکستان امن کا گہوارہ نہ بنا تو ترقی وخوشحالی کے تمام تر خواب شرمندہ تعبیر نہیں ہوسکیں گے‘احسن اقبال
-
امن کے بغیر پائیدار ترقی اور خوشحالی ممکن نہیں ، وفاقی وزیر برائے منصوبہ بندی و ترقی یونیورسٹی آف نارووال میں کانفرنس سے خطاب
-
خیبر،جمرود پولیس کی کارروائی، 2ملزمان گرفتار
-
وزیراعظم یوتھ پروگرام کا مقصد نوجوانوں کی صلاحیتوں کومناسب پلیٹ فارم مہیا کرکے ملک کو معاشی ترقی کی راہ پر گامزن کرنا ہے، رانا مشہود احمد خان
-
احسن اقبال کی عام انتخابات میں کامیابی کے نوٹیفیکیشن کو کالعدم قرار دینے کی درخواست پر فریقین کو نوٹس جاری
-
وزارت آئی ٹی نوجوانوں کی ترقی کیلئے کوشاں ہے، شنزہ فاطمہ
-
10مئی کے بعد غیر رجسٹرڈ گاڑیوں کو تحویل میں لے لیا جائے گا، شرجیل میمن
-
پی ٹی آئی خواتین رہنماوں صنم جاوید اور عالیہ حمزہ کے جوڈیشل ریمانڈ میں توسیع
-
متنازع ٹویٹس کیس میں اعظم سواتی کی عبوری ضمانت میں 15 مئی تک توسیع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.