زرعی یونیورسٹی فیصل آباد اور چین کی شنگ یانگ یونیورسٹی نے ڈی وی ایم پروگرام میں دو سال مکمل کرنے کے بعد بقیہ تعلیم کیلئے طلبہ کے باہمی تبادلے پر اتفاق
جمعہ 27 مئی 2016 21:51
فیصل آباد (اُردو پوائنٹ اخبارتازہ ترین - آن لائن۔27 مئی۔2016ء) زرعی یونیورسٹی فیصل آباد اور چین کی شنگ یانگ یونیورسٹی نے ڈی وی ایم پروگرام میں دو سال مکمل کرنے کے بعد بقیہ تعلیم کیلئے طلبہ کے باہمی تبادلے پر اتفاق کیا ہے۔ چین کی شنگ یانگ یونیورسٹی سے پروفیسروان جن کوآن اور پروفیسرگوکنگ یانگ اور یونیورسٹی میں کنفیوشس انسٹی ٹیوٹ کے ڈین ڈاکٹر یانگ پر مشتمل وفد نے نیو سنڈیکیٹ روم میں وائس چانسلرپروفیسرڈاکٹر اقرا راحمد خاں اور اعلیٰ قیادت سے ملاقات کی ۔
ملاقات میں یونیورسٹی کی عمومی تعلیمی و تحقیقی سرگرمیوں اور بین الاقوامی نیٹ ورکنگ پر روشنی ڈالتے ہوئے وائس چانسلروائس اقرار احمد خاں نے کہا کہ دونوں ہمسایہ ممالک کی زرعی جامعات کو پھلوں‘ کپاس اور جانوروں کے امراض و پیداوار میں ایک دوسرے کے تجربات سے سیکھتے ہوئے آگے بڑھنے کی راہ ہموار کرنی چاہئے۔(جاری ہے)
انہوں نے کہا کہ گزشتہ چند برسوں کے دوران یونیورسٹی میں کنفیوشس انسٹی ٹیوٹ کے ذریعے پاکستانی نوجوانوں کیلئے چینی زبان ‘ثقافت ‘ میوزیک اور کھانوں سے جانکاری کے ساتھ ساتھ ہمیں پیشہ وارانہ اُمور میں بھی مشترکہ اہداف کا تعین کرتے ہوئے آگے بڑھنا چاہئے۔
انہوں نے بتایا کہ یونیورسٹی نے آموں کی ایسی دس ورائٹیاں متعارف کروائی ہیں جو اپنے ذائقے اور خوشبو کی وجہ سے پوری دنیا میں مارکیٹ کی جا سکتی ہیں۔ انہوں نے کہا کہ یونیورسٹی سائنس دانوں نے سخت ترین گرمی میں بھی پیداواری عمل کو تسلسل کے ساتھ جاری رکھنے والی یونی گولڈ مرغیوں کی نسل بھی تیار کی ہے جسے پورے ملک میں غریب خاندانوں کی معاشی حالت میں بہتری کیلئے تقسیم کیا جا رہا ہے۔ ڈاکٹر اقرار احمد خاں نے کہا کہ یونیورسٹی میں فروٹ پروڈکشن پر پروفیشنل چیئرکے ساتھ ساتھ اینیمل ہیلتھ اور کپاس کے مشترکہ منصوبے شروع کرنے کی منصوبہ بندی کی جا سکتی ہے۔ ان کا کہنا تھا کہ یونیورسٹی میں اڑھائی ارب روپے سے زائد مالیت کے 400تحقیقی منصوبوں پر پیش رفت جاری ہے جن میں 50سے زائد بین الاقوامی اداروں کے ساتھ مسابقتی اشتراک عمل کا نتیجہ ہے۔ انہوں نے کہا کہ دونوں جامعات میں اساتذہ کا ایک جیسا نظام کاربھی ایک دوسرے سے فیکلٹی ایکسچینج کی راہ ہموار کر سکتا ہے ۔ اس موقع پر چینی پروفیسرڈاکٹر وان جن کوآن ‘پروفیسرکوکنگ یانگ اور پروفیسریانگ نے شنگ یانگ یونیورسٹی کا تعارف کرواتے ہوئے بتایا کہ دو کروڑ آبادی والے چینی صوبے شنگ یانگ میں 25سے زائد جامعات ہیں ۔ انہوں نے بتایا کہ چین میں ہر پانچ سال بعد مردم شماری کا عمل باقاعدگی سے مکمل کیا جا رہا ہے جس کی بنیاد پر عوام کی سہولت کیلئے ضروری فیصلے کئے جاتے ہیں۔ انہوں نے بتایا کہ ہرچند شنگ یانگ یونیورسٹی کے وائس پریزیڈنٹ نے چند ماہ پہلے یونیورسٹی کا دورہ کیا تھا جس کے بعد پروفیشنل سطح پر ماہرین کا یہ پہلا دورہ ہے جس کے بعد دونوں جامعات کے مابین تعلقات کو دیرپا بنیادوں پر استوار کرنے کی راہ ہموار ہوگی۔مزید تجارتی خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
سونے کی قیمتوں میں اضافے کا رجحان برقرار
-
روٹی زائد قیمت پر فروخت کرنے والوں کیخلاف کریک ڈائون جاری، 115 افراد گرفتار
-
ایس ای سی پی نے نیا آن لائن کمپلینٹ مینجمنٹ سسٹم ’ایس ای سی پی ایکس ایس‘ متعارف کروا دیا
-
بینک دولتِ پاکستان کی زری پالیسی کمیٹی (ایم پی سی)کا اجلاس 29اپریل کو ہوگا
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ
-
عالمی اور مقامی مارکیٹوں میں سونے کی قیمت میں مزید اضافہ
-
ایل پی جی کی درآمدات میں جاری مالی سال کے دوران سالانہ بنیادوں پر9 فیصد اضافہ
-
کریڈٹ کارڈز کے زریعہ خریداری اورادائیگیوں میں مارچ کے دوران سالانہ بنیادوں پر26.1 فیصداضافہ
-
ملک میں دالوں کی درآمدات میں جاری مالی سال کے دوران کمی
-
پاکستان سٹاک ایکسچینج میں تیزی، 100 انڈیکس72 ہزار445پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.