ملیر میں برسات نے تباہی مچا دی، کونکر برساتی نالے پر قبضے کے باعث برساتی ریلہ پشتے توڑتا ہوا آبادی میں داخل
مسجد منہدم، 19 سے زائد قبریں مسمار، گھروں اور دکانوں میں پانی داخل، متعدد گھروں کی چھتیں اڑ گئیں
بدھ 29 جون 2016 22:55
کراچی (اُردو پوائنٹ اخبارتازہ ترین - این این آئی۔29 جون ۔2016ء) ملیر میں برسات نے تباہی مچا دی، کونکر برساتی نالے پر قبضے کے باعث برساتی ریلہ پشتے توڑتا ہوا آبادی میں داخل، مسجد منہدم، 19 سے زائد قبریں مسمار، گھروں اور دکانوں میں پانی داخل، متعدد گھروں کی چھتیں اڑ گئیں، برساتی نالوں پر قبضوں کے خلاف علاقہ مکینوں کا احتجاج، کمشنر کراچی سے قبضہ خالی کرانے کا مطالبہ، میمن گوٹھ میں سیوریج ڈسپوزل کے کنوویں بھر گئے، گندے پانی کے واپس پلٹنے سے پورا علاقہ زیر آب، انتظامیہ بے بس، مون سون کی مزید بارشوں سے خطرے منڈلانے لگے، علاقہ مکین پریشان تفصیلات کے مطابق کراچی میں تیز طوفانی بارش نے جہاں کراچی شہر میں بلدیاتی نظام اور افسران کی نااہلی کی کلئی کھول دی ہے وہاں مضافاتی علاقوں باالخصوص ملیر ضلع کے گڈاپ اور بن قاسم نے برسات نے تباہی مچا دی ہے اس سلسلے میں کونکر گڈاپ کے برساتی نالے پر بااثر شخص کے قبضے دکانوں مارکیٹوں اور مکانات کی تعمیر کے باعث مون سون کی بارش کا ریلہ نالے کے پشتے توڑتا ہوا کونکر کی آبادیوں میں داخل ہو گیا جس سے کریمی مسجد کی چاردیواری منہدم ہو گئی جبکہ قدیمی قبرستان میں تیز پانی میں 19 سے زائد قبریں مسمار کر دی، اس کے علاوہ مارکیٹوں اور گھروں میں پانی داخل ہو گیا جس کے باعث علاقہ مکین شدید مشتعل ہو گئے گھروں سے باہر نکل کر علاقے کے سماجی رہنما ظفر حمید کی قیادت میں احتجاجی مظاہرہ کر کے دھرنہ دیا گیا اس موقع پر انہوں نے صحافیوں کو بتایا کہ کونکر برساتی نالے پر قبضے سے قبل اعتراض کیا گیا کہ برساتوں میں علاقے ڈوب جائیں گے لیکن بااثر افراد نے کسی کی نہ مانی، افسوس ہے کہ قبضہ مافیا کو حکومتی پارٹی کے لوگوں کی پشت پناہی حاصل ہے، جن کے خلاف کوئی اقدام نہیں اٹھایا جارہا، انہوں نے مزید کہا کہ اگر قبضے ختم نہیں کرائے گئے تو کمشنر کراچی اور ڈی سی ملیر کی آفیس کے سامنے احتجاج کا حق رکھتے ہیں، دوسری جانب ملیر کے مرکزی شہر میمن گوٹھ میں برسات کے باعث گٹر ابل پڑے ہیں، میمن گوٹھ میں موجود گٹر کے پانی کی نکاسی کے لیئے بنائے گئے ڈسپوزل لائین نہ بچھانے کی وجہ سے کنووں میں جمع پانی نے واپس الٹ کھائی ہے، جس کے باعث 15 سے زائد محلوں میں برساتی اور گٹروں کا پانی جمع ہو گیا ہے، گھروں اور دکانوں میں پانی داخل ہونے کے باعث مکین سخت مشکلات کا شکار ہیں، اس سلسلے میں ضلع کاؤنسل کراچی کے افسران سے رابطا کیا گیا تو انجنیئر فضل گل اور افضل لغاری نے بتایا کہ میمن گوٹھ کا ڈسپوزل سینٹر بڑی آبادی کے باعث خراب ہو گیا ہے، پبلک ہیلتھ والے کئی سال گذرنے کے باوجود تھدو ندی تک ڈسپوزل نہیں بنا سکے جس کے باعث علاقے میں پانی جمع ہو گیا ہے، برسات کے باعث جام کنڈو گوٹھ میں دلمراد بلوچ کا گھر مسمار ہو گیا ہے اور کئی گھروں کی چھتیں گر گئی ہیں، علاقے کے سیاسی سماجی رہنماؤں نے تشویش کا اظہار کرتے ہوئے کہا ہے کہ اگرمون سون کی برساتیں زیادہ پڑنے کے باوجود انتظامیا نے کوئی اقدام نہیں اٹھایا اگر کوئی جانی نقصان ہوا تو اس کی ذمہ دار ضلع انتظامیہ ہو گی۔
مزید قومی خبریں
-
بھابھی نے شادی والے دن دلہا کو گرفتار کرادیا،جمشید کوارٹر تھانے کے باہر انوکھا احتجاج ،رشتے دار دلہے کی شیروانی لے کر تھانے پہنچ گئے
-
خرم شیر زمان کا سندھ حکومت پر من پسند افراد کو پروٹوکول دینے کا الزام
-
سیالکوٹ پولیس کی کارروائی،ناجائز اسلحہ کی نمائش پر 3 ملزمان گرفتار
-
سکول ٹیچر کو گھر کے باہر فائرنگ کر کے قتل اور خوبرو جوڑے کو گھر میں تیزدھار آلہ سے ذبح کر دیا گیا
-
پسند کی شادی کرنیوالی 22سالہ لڑکی کرنٹ لگنے سے جاں بحق، قتل کا خدشہ
-
دریاؤں اور آبی ذخائر میں پانی کی صورتحال
-
برصغیر کے عظیم مجاہد ٹیپو سلطان کا225واں یوم شہادت4مئی کو منایا جائے گا
-
دریائوں اور آبی ذخیروں میں پانی کی صورتحال
-
زرداری پی ٹی آئی ،ہمارے درمیان مفاہمت کا کردار ادا کرنا چاہیں تو خوش آمدید کہیں گے ‘ رانا تنویر حسین
-
مریم نواز کے پولیس یونیفارم پہننے کیخلاف اندراج مقدمہ کی درخواست پرسماعت بغیر کارروائی ملتوی
-
ہمیشہ بانی پی ٹی آئی کے ساتھ ہوں ، کوئی ڈیل نہ ہی کریں گے‘ خدیجہ شاہ
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.