پاک چین اقتصادی راہداری سے پاکستانی قوم کی قسمت وابستہ ہے اس لیے اس کی بروقت تکمیل کے لیے تمام تر کوششیں بروئے کار لائی جا رہی ہیں، کراچی اور ملک کے دیگر حصوں میں امن وامان کی صورت حال میں نمایاں بہتری آئی ہے ، امن و امان کی مکمل بحالی تک دہشت گردوں کے خلاف کارروائیاں جاری رہیں گی
صدر مملکت ممنون حسین کا رائس ایکسپورٹرزایسوسی ایشن کی آٹھویں ایکسپورٹ ٹرافی کی تقریب سے خطاب
جمعہ 22 جولائی 2016 22:53
کراچی(اُردو پوائنٹ اخبارتازہ ترین - آئی این پی۔22 جولائی ۔2016ء) صدر مملکت ممنون حسین نے کہا کہ پاک چین اقتصادی راہداری سے پاکستانی قوم کی قسمت وابستہ ہے اس لیے اس کی بروقت تکمیل کے لیے تمام تر کوششیں بروئے کار لائی جا رہی ہیں۔ کراچی اور ملک کے دیگر حصوں میں امن وامان کی صورت حال میں نمایاں بہتری آئی ہے اور امن و امان کی مکمل بحالی تک دہشت گردوں کے خلاف کارروائیاں جاری رہیں گی۔
انھوں نے کہا کہ بدامنی اور دہشت گردی جیسے مسائل صرف انتظامی اقدامات اور طاقت کے استعمال سے حل نہیں ہوسکتے بلکہ اس کے لیے جامع اقدامات کرنے کی ضرورت ہے جن میں معیشت کی بہتری، روزگارو انصاف کی فراہمی اور بامقصدویکساں نظام تعلیم اہم ہیں۔ اس مقصد کے حصول کے لیے عوام اور حکومت کے درمیان مکمل ہم آہنگی اور قریبی تعاون ناگزیر ہے۔(جاری ہے)
صدر مملکت نے یہ بات کراچی میں رائس ایکسپورٹرزایسوسی ایشن کی آٹھویں ایکسپورٹ ٹرافی کی تقریب سے خطاب کرتے ہوئے کہی۔
صدر مملکت نے کہا کہ ملک کی ترقی و خوشحالی کے لیے کاروباری طبقے کو اپنا کردارادا کرنا ہو گا۔ انھوں نے کہا کہ رائس ایکسپورٹرز ایسوسی ایشن اپنا فعال کردار ادا کررہی ہے۔پیشہ ورانہ تنظیموں کا بنیادی کردار بھی یہی ہوتا ہے کہ وہ متعلقہ شعبے کے تمام اسٹیک ہولڈرز کے درمیان رابطے اور درکار ضروری سہولتوں کی فراہمی کا ذریعہ بنتی ہیں۔صدر مملکت نے کہا کہ عالمی منڈیوں کے اتار چڑھا?سے پاکستانی کاشتکار اور برآمدکنندگان متاثر ہوئے ہیں لیکن حکومت ان مسائل پر قابو پانے کے لیے اپنی کوششیں جاری رکھے ہوئے ہے انھوں نے کہا کہ ہمارے کاشتکار وں کو جدید ٹیکنالوجی سیسے فائدہ اٹھانا چاہیے تاکہ فصلوں کا معیار اور پیداوار بہتر ہو سکے۔ انھوں نے زرعی شعبہ سے وابسطہ تنظیموں پر زور دیتے ہو ئے کہا کہ وہ اپنی ذمہ داری سمجھتے ہوئے کسانوں کو دنیا کے دیگر حصوں میں ہونے والی تحقیق اور تجربات سے آگاہ کریں تاکہ کسان، برآمد کنندگان اور قومی معیشت نقصانات سے بچ سکیں۔ صدر مملکت نے کہا کہ اقتصادی ترقی موجودہ حکومت کی اولیں ترجیح ہے۔ حکومت اس سلسلے میں سازگار ماحول مہیا کرنے کے لیے ٹھوس اقدامات کر رہی ہے جن میں اسٹیٹ بینک کی جانب سے مارک اَپ کی شرح میں خاطر خوا ہ کمی اور برآمدکنندگان کے لیے آسان اقساط میں قرضوں کی فراہمی سمیت کئی اقدامات شامل ہیں۔ صدر مملکت نے کہا کہ حکومت جدید مشینری کی درآمد اوربہتری کے لیے مالی سہولتیں بھی فراہم کررہی ہے۔چاول کی برآمدات کو بہتر بنانے کے لیے رائس ڈویلپمنٹ اینڈ ایکسپورٹ پروموشن کونسل کی تشکیل نو کی جا رہی ہے۔ صدر مملکت نے کہا کہ سعودی عرب اور ایران کی منڈیوں میں پاکستان باسمتی چاول کی برآمد ات کے لیے کوششیں جاری ہیں۔ یہ امر باعث اطمینان ہے کہ چاول کی برآمدات میں اضافہ ہو رہا ہے۔انھوں نے کہا کہ حکومت تجارتی پالیسی کے تحت مقامی تاجر کی بین الاقوامی منڈیوں تک رسائی کے لیے مختلف ممالک کے ساتھ آزاد اور ترجیحی تجارتی معاہدوں کے لیے کوشاں ہے۔ اس کے لیے ٹریڈ ڈیولپمنٹ اتھارٹی اپنا کردار ادا کر رہی ہے ، مگر ان کوششوں کے بھرپور نتائج کا حصول تمام فریقوں کے درمیان ہم آہنگی اور مشترکہ لائحہ عمل کے ذریعے ہی ممکن ہے۔اس لیے ضروری ہے کہ رائس ایکسپورٹرزایسوسی ایشن اپنے ارکان کی تربیت، جدید ٹیکنالوجی سے ہم آہنگی، تجارتی وفود کے تبادلوں، نمائشوں کے انعقاد اور نئی منڈیوں تک رسائی کے لیے اپنی سرگرمیوں کو مزید فعال بنائے۔اس موقع پر گورنر سندھ ڈاکٹر عشرت العباد خان نے بھی اظہار خیال کیا۔ آخر پر صدر مملکت نے رائس ایکسپورٹرزایسوسی ایشن ایوارڈ جیتنے والوں کو مبارک باد دی اور انعامات تقسیم کیے۔ اس موقع پر گورنر سندھ ڈاکٹر عشرت العباد خان، صدرایف پی سی سی آئی عبدالر?ف عالم ، عبدالرحیم جانو، سرپرستِ اعلیٰ، رائس ایکسپورٹرزایسوسی ایشن ، نعمان احمد شیخ نے بھی خطاب کیا۔متعلقہ عنوان :
مزید اہم خبریں
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.