حکومت پنجاب عوام کو تحفظ دینے میں ناکام ہو چکی ،جڑواں شہروں راولپنڈی و اسلام آباد سمیت پنجاب بھر میں اغواء کار، ڈکیت ، چور اور لٹیرے دندناتے پھر رہے ہیں
تحریک انصاف کے رکن پنجاب اسمبلی راجہ راشد حفیظ کی وفد سے بات چیت
جمعہ 29 جولائی 2016 22:08
راولپنڈی (اُردو پوائنٹ اخبارتازہ ترین - آئی این پی۔29 جولائی ۔2016ء) پاکستان تحریک انصاف کے رکن پنجاب اسمبلی راجہ راشد حفیظ نے کہا ہے کہ حکومت پنجاب صوبے کے عوام کو جرائم پیشہ سماج دشمن عناصر کے خلاف تحفظ دینے میں بری طرح ناکام ہو چکی ہے اور جڑواں شہروں راولپنڈی و اسلام آباد سمیت پنجاب بھر میں اغواء کار، ڈکیت ، چور اور لٹیرے دندناتے پھر رہے ہیں ․ ایک ماہ کے اندر 715 بچوں کا اغواء اور شہری علاقوں میں رپورٹ کی گئی سینکڑوں ڈکیتیاں و دیگر جرائم حکومتی ناکامی کا منہ بولتا ثبوت ہیں ․ انہوں نے ان خیالات کا اظہار پی ٹی آئی کے پبلک سیکریٹریٹ برائے این اے 55 رحمن آباد میں پارٹی کارکنوں اور معززین کے مختلف وفود سے بات چیت کرتے ہوئے کیا ․ انہوں نے کہا کہ جرائم کی یہ بڑھتی ہوئی شرح ہم سب کیلئے انتہائی تشویش ناک ہے اور سب سے بڑی تشویش ناک اور تکلیف دہ بات یہ ہے کہ مظلوم عوام کی داد رسی کرنے والا کوئی نہیں ․ تھانے کچہری میں مظلوم کو ظالم اور ظالم کو مظلوم بنا کر پیش کیا جاتا ہے جس میں نام نہاد خادم اعلی پنجاب کی پولیس کا کردار بنیادی ہے ․ انہو ں نے کہا کہ پنجاب کے کسی تھانے میں اس وقت تک کوئی شخص ، چاہے وہ کتنا ہی مظلوم کیوں نہ ہو، پرچہ نہیں کٹوا سکتا جب تک اس کے ساتھ پیش آنے والے واقعہ کا نوٹس خادم اعلی خود نہ لے لیں ․ راجہ راشد حفیظ نے کہا کہ مجرموں کو جرائم کرنے کی کھلی چھٹی ملی ہوئی ہے اور صوبے میں کہیں قانون اور انصاف نام کی کوئی چیز نظر نہیں آ رہی ․ انہو ں نے وزیر اعلی سے مطالبہ کیا کہ وہ اپنی اعلی ترین مصروفیات میں سے کچھ وقت نکال کر اس جانب بھی توجہ دیں اور اپنے نوٹس لینے کی روایت کو پکا کرنے کی بجائے سسٹم کو مضبوط کریں جہاں کسی فریادی کو تھانے اور کچہری سے مایوس نہ لوٹنا پڑے اور اسے نوٹس وزیر اعلی کے نوٹس لئے بغیر بھی انصاف مل سکے ․
مزید اہم خبریں
-
نو مئی: فوج کے غصے اور خان کی مقبولیت میں کوئی کمی نہیں آئی
-
کورکمانڈر ہاؤس تک کتنے ناکے لگے ہوتے ہیں، 9 مئی کو پولیس کہاں تھی؟
-
خیبرپختونخواہ کسانوں سے 3900 روپے کی قیمت پر گندم خریداری مہم شروع کرنے والا پہلا صوبہ بن گیا
-
قوم اور پاکستان نو مئی کے مجرموں کو بھولے ہیں نہ بھولیں گے
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.