نئے وزیراعلی سندھ کی بھرپور پروٹوکول کے ساتھ مزار قائد پر حاضری

مراد علی شاہ 55 گاڑیوں کے جھرمٹ میں مزار قائد پہنچے جب کہ قافلے کیلئے ٹریفک بھی روک دیا گیا

ہفتہ 30 جولائی 2016 21:30

کراچی(اُردو پوائنٹ اخبارتازہ ترین - این این آئی۔30 جولائی ۔2016ء) سندھ کے نئے وزیراعلی مراد علی شاہ نے جہاں وزیراعلی ہاؤس کے سامنے سے رکاوٹیں ہٹا کر وی آئی پی کلچر کے خلاف پہلا قدم اٹھایا وہیں انہوں نے ہفتیہ کواس کے برعکس پروٹوکول کلچر کو برقرار رکھا اور شاہانہ انداز میں مزار قائد پہنچے۔وزیراعلی سندھ مراد علی شاہ نے صوبے کا چیف ایگزیکٹو منتخب ہونے کے بعد وی آئی پی کلچر کے خاتمے اور پروٹوکول نہ لینے کا اعلان کیا تھا جس کے تحت انہوں نے اپنی سیٹ سنبھالتے ہی وزیراعلی ہاس کے باہر لگی رکاوٹیں ہٹانے کا حکم دیا جسے فوری طور پر ہٹادیا گیا۔

دوسری جانب مراد علی شاہ نے صوبے میں پروٹوکول کلچر کو برقرار رکھا اور شہنشاہ کی طرف شاہانہ انداز میں مزار قائد پہنچے۔ نمائندہ ایکسپریس نیوز کے مطابق مراد علی شاہ 55 گاڑیوں کے جھرمٹ میں وزیراعلی ہاس سے مزار قائد کے لیے روانہ ہوئے اور اس موقع پر ان کے ہمراہ کابینہ ارکان بھی تھے، وزیراعلی کی آمدورفت کیباعث عوام کو پروٹوکول کلچر کی بھینٹ چڑھنا پڑا اور وڈے سائیں کا قافلہ گزرنے تک جو جہاں تھا اسے وہیں روک دیا گیا تھا۔

(جاری ہے)

وزیراعلی سندھ کی مزار قائد پر حاضری کیدوران مزار کو عام عوام کے لیے بند کردیا گیا جب کہ مراد علی شاہ کا قافلہ جہاں جہاں سے گزرا وہاں ٹریفک کو روک دیا گیا جس کے بعد عوام نے نئے وزیراعلی کے پروٹوکول نہ لینے کے اعلان پر انگلیاں اٹھانا شروع کردی ہیں۔