پی ٹی آئی شعبہ خواتین پنجاب اور لائرزفورم پنجاب کے زیرِاہتمام سانحہ کوئٹہ کے حوالے سے تعزیتی ریفرنس اور احتجاج مظاہرہ
سانحہ کوئٹہ کے خلاف مذمتی قرارداد منظور، جس میں نوازشریف کے بیان کی مذمت کی گئی
بدھ 10 اگست 2016 23:01
لاہور(اُردو پوائنٹ اخبارتازہ ترین - این این آئی۔10 اگست ۔2016ء ) پاکستان تحریک انصاف کی شعبہ خواتین ونگ پنجاب کے زیرِاہتمام چیئرمین سیکرٹریٹ میں سلونی بخاری کی زیرِصدارت سانحہ کوئٹہ کے حوالے سے تعزیتی ریفرنس منعقد ہوا ، تعزیتی ریفرنس میں سانحہ کوئٹہ کے شہداء کے ایصال ثواب کے لئے قرآن خوانی کی گئی ، شہدا کے درجات کی بلندی اور زخمیوں کی جلد صحتیابی کے لئے دعاء کی گئی ،تعزیتی ریفرنس میں شعبہ خواتین اور انصاف لائرز فورم نے سانحہ کوئٹہ کے خلاف مذمتی قرارداد منظورکی جس میں نوازشریف کے بیان کی مذمت کی گئی نوازشریف نے اپنے بیان میں کہا تھا کہ ملک بالکل درست سمت میں گامزن ہے ، نوازشریف نے سانحہ کوئٹہ کی ذمہ داری قبول کرنے سے انکار کیا، بعدمیں وومن ونگ پنجاب کی صدر سلونی بخاری اور لائرز فورم پنجاب کے صدر بیرسٹر عمیر خان نیازی کی قیادت میں پارٹی کارکنان اور وکلاء نے کوئٹہ میں ہونے والی بدترین دہشتگردی کے واقعہ کے خلاف احتجاجی مظاہرہ کیا ، کارکنان نے حکومت کے خلاف شدید نعرے بازی کی اور مطالبہ کیاکہ حکومت اپنی نااہلی کی ذمہ داری قبول کرتے ہوئے فوری مستعفیٰ ہو جائے ، تعزیتی ریفرنس اور احتجاجی مظاہرے سے سلونی بخاری، سعدیہ سہیل، روبینہ جمیل اور عمیر نیازی نے خطاب کرتے ہوئے کہاکہ سانحہ کوئٹہ بلوچستان حکومت اور انتظامیہ کی نااہلی کا کھلا ثبوت ہے ، سانحہ کی جتنی بھی مذمت کی جائے کم ہے تحریک انصاف شہداء کے خاندانوں کے غم میں برابر کی شریک ہے ، سانحہ کوئٹہ نے پوری قوم کو سوگوار کردیا ہے جب بھی اپوزیشن سڑکوں پر آتی ہے تو ایک منصوبے کے تحت ملک میں دہشتگردی کی لہرتیز ہوجاتی ہے جوکہ حکمرانوں کے لئے لمحہ فکریہ ہے ، حکمرانوں کی راء کانام لیتے ہوئے ٹانگیں کانپتی ہیں، راء دہشتگردی کی کاروائیوں میں براہ راست ملوث ہے ، محمود خان اچکزئی کا بیان قابل مذمت ہے ،حکومت اس قابل نہیں کہ وہ عوام کی جان ومال کا تحفظ کرسکے ، حکمران ٹولہ جب بھارتی بزنس مین سے ذاتی تعلقات رکھیں گے اور اپنی عوام سے زیادہ اپنے مفادات کو ترجیح دیں گے تو اس طرح کا نقصان خمیازہ عوام کو بھگتنا پڑے گا ، پڑھی لکھی وکلاء کمیونٹی اور میڈیا کو نشانہ بنانا دہشتگردوں کا بزدلانہ اقدام ہے ، دہشتگردی کی وجہ بننے والے عناصر کو ختم کرنا ہوگا ، عمران خان نوازشریف کے احتساب کے لئے سڑکوں پر نکلے ہیں، ہمارامطالبہ ہے کہ سانحہ کوئٹہ کی فوری تحقیقات کی جائیں اور دہشتگردوں کو منتقی انجام تک پہنچایا جائے ، پاکستانی قوم ڈرنے والی نہیں دہشتگرد قوم کے عزم کو کمزور نہیں کرسکتے ، شہداء کا خون رائیگاں نہیں جائے گااور انشاء اﷲ پاکستان ایک دفعہ پھر امن کا گہوارہ بنے گا ،مظاہرے میں گوہر نواز سندھو، خاقان میر، زینب لودھی ، اصغر خان، اکبر گجر، محمد تجمل حسین گوندل، آغا شازب ، کاشف بشیر، افضال پاہٹ، راؤ طارق محمود، نیلوفرحبیب، ثمینہ میر، نادیہ گیلانی ، شمسی ظفر، تبسم انور، نجمہ حبیب، نیلم ارشاد ، ساجدہ فاروق، شاہینہ کوثر، فرحت خالد ، عتیہ سعد، ثمینہ مانو، غزالہ رفیق، صبا بٹ، فرحت منظور ، آمنہ عامر، مصباع عدنان ، رافع کمال سمیت خواتین اور وکلاء نے شرکت کی ۔
متعلقہ عنوان :
مزید اہم خبریں
-
یو این جنرل اسمبلی: ہر سال 24 مئی کو یوم مارخور منانے کا فیصلہ
-
ملک میں بارشوں کا نیا سلسلہ داخل ہو گیا
-
اگر ملک چلانا ہے تو پھر نیب کے ادارے کو ختم کرنا پڑے گا
-
مشرقی افریقہ: بارشوں اور سیلاب کے دوران یو این امدادی کارروائیاں جاری
-
ایکسٹینشن بربادی کا راستہ ہے
-
سچ یہ ہے کہ یہ الیکشن تحریک انصاف جیت چکی
-
ملک میں رواں سال کی پہلی ہیٹ ویو کا الرٹ جاری
-
اگر میں نے فارم 47 کی بات کی تو ن لیگ منہ نہیں چھپا سکے گی
-
وزیرخزانہ کی ایف بی آرکو محصولات وصولی کا ہدف حاصل کرنے کیلئے ہر ممکن کوشش کی ہدایت
-
گندم اور چینی کا بحران پیدا کرنے کی ایک پوری اکانومی ہے
-
وزیراعظم محمد شہباز شریف سے چیئرمین پاکستان پیپلز پارٹی بلاول بھٹو زرداری کی ملاقات
-
سندھ حکومت سٹنٹنگ سمیت ہر قسم کی غذائی قلت کے خاتمے کیلئے اقدامات کر رہی ہے، وزیراعلیٰ سندھ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.