جنوبی افریقہ، بچی کو اغوا کرنے والی خاتون انیس سال بعد گرفتار
پیر 15 اگست 2016 21:53
کیپ ٹاؤن( اُردو پوائنٹ اخبارتازہ ترین - آن لائن۔15 اگست ۔2016ء ) جنوبی افریقہ کی ایک عدالت نے انیس برس قبل ایک میٹرنٹی ہوم سے نومولود بچی کو اغوا کرنے کے جرم میں ایک خاتون کو دس سال قید کی سزا سنائی ہے۔ اس خاتون کی شناخت ظاہر نہیں کی گئی ہے۔کیپ ٹاوٴن میں عدالتی ذرائع کے مطابق پہلے یہ سزا چودہ سال مقرر کی گئی تھی تاہم بعد میں چار سال کم کرتے ہوئے اب دس برس قید کی سزا سنائی گئی ہے۔
عدالتی ذرائع یہ بتانے سے قاصر ہیں کہ سزا کے چار سال کیوں کم کیے گئے۔ استغاثة نے اس اکیاون سالہ خاتون کے لیے پندرہ سال قید کی سزا کا مطالبہ کیا تھا۔اطلاعات کے مطابق اس خاتون نے سن انیس سو ستانوے میں کیپ ٹاوٴن کے ایک میٹرنٹی ہوم میں ایک بچی کو اس کی سوتی ہوئی ماں کے سرہانے سے اغوا کر لیا تھا۔(جاری ہے)
ملزمہ کے شوہر نے بھی اس بات پر یقین کر لیا کہ وہ اس کی حقیقی بیٹی ہے اور یہ بچی کیپ ٹاوٴن میں ان کے گھر پروان چڑھتی رہی۔
جنوبی افریقہ میں یہ معاملہ اس وقت سامنے آیا تھا، جب گزشتہ برس ایک اسکول کے طلبہ نے ایک طالبہ اور اسکول میں داخل ہونے والی ایک لڑکی کی ایک جیسی شکل کو ایک دوسرے کی بہنیں کہہ کر پکارنا شروع کر دیا تھا۔ یہ بات رفتہ رفتہ اس طالبہ کے والدین تک پہنچی، جن کی نومولود بیٹی 18 برس قبل ایک ہسپتال سے چرا لی گئی تھی۔ڈی این اے ٹیسٹ کی رپورٹس سے پتہ چلا کہ دونوں لڑکیاں حقیقی بہنیں ہیں اور اس طرح بچپن میں ہوئے اس اغواء کا راز فاش ہو گیا۔ تاہم ملزمہ نے اس بچی کے اغواء سے انکار کرتے ہوئے کہا ہے کہ بچی کو ایک ریلوے سٹیشن پر اس کے حوالے کیا گیا تھا۔ اس خاتون کے بیان کے مطابق ایسا اس دائی نے کیا تھا جو اولاد کے لیے اس کا علاج کرتی رہی تھی۔ زیفینی کی شناخت کا پتہ چلنے کے بعد اسے سماجی کارکنوں کی زیر نگرانی رکھا گیا تھا۔ خبروں کے مطابق زیفینی نے اپنے حقیقی والدین کے بجائے اسی والد کے ساتھ رہنے کا فیصلہ کیا ہے جس نے اسے پالا تھا۔۔مزید بین الاقوامی خبریں
-
سعودی عرب میں مزید طوفانی بارشوں کا الرٹ جاری
-
سمندر کے راستے غیر قانونی طور پر برطانیہ آنے والوں کا نیا ریکارڈ قائم
-
مجھے تو بہت مزا آیا، طلبہ کی گرفتاریوں پرٹرمپ کا ردِعمل
-
امریکی نرس کو 760 برس قید کی سزا سنا دی
-
اسرائیل نے وجہ بتائے بغیررفح پرحملہ کیلئے تعینات ریزرو فوجیوں کوہٹا دیا
-
سعودی عرب میں خاتون کو ہراساں کرنے کے الزام میں یمنی گرفتار
-
مجھے تو بہت مزا آیا، طلبہ کی گرفتاریوں پرٹرمپ کا ردِعمل
-
سعودی عرب میں شدید بارش سے معروف مسجد کی چھت گرنے کی ویڈیو وائرل
-
سعودی عرب میں اسرائیل کے خلاف بولنے پر شہریوں کی گرفتاریاں
-
ترکیہ نے اسرائیل سے تجارتی تعلقات منقطع کر دئیے
-
ایران کا افغانستان کے ساتھ بارڈرسیل کرنے کا فیصلہ
-
امریکی نرس کو 760 برس قید کی سزا سنا دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.