خطے میں امن کیلئے مسئلہ کشمیر کا حل نہایت ضروری ہے،طارق مدنی
جمعرات 18 اگست 2016 21:09
کراچی(اُردو پوائنٹ اخبارتازہ ترین - آئی این پی۔18 اگست ۔2016ء) پاکستان امن کونسل کے سر براہ طار ق محمود مدنی نے کہا ہے کہ خطے میں امن کے لئے مسئلہ کشمیر کا حل نہایت ضروری ہے، لیکن بھارت ہٹ دھرمی دیکھا رہا ہے اور مسئلہ کشمیر پر مذاکرات سے بھاگ رہا ہے،وہ جمعرات کو امن سیکریٹریٹ میں میڈیا اورانسانی حقوق کے نمائند و ں سے ملاقات میں بھارتی سیکریٹری خارجہ کے قائم مقام سیکریٹری خارجہ وحید الحسن کو بھیجے گئے جوابی خط پر گفتگو کررہے تھے، طارق مدنی نے کہا کہ بھارت کی کشمیر کے بجائے اپنے ایجنڈے پر بات چیت کی آما دگی پوری دنیا کی آنکھوں میں دھول جھونکنے کے برابر ہے حکومت پاکستان کو چاہئے کہ بھارتی سیکریٹری خارجہ کی جانب سے لکھے گئے جوابی خط کی کاپی اقوام متحدہ کو بھیج کر اس کے ریکارڈ پر لائے تاکہ بھارت کی بد دیانتی کا ایک اور مکرو چہرہ دنیا کے سامنے آسکے اور اقوام متحدہ کو بھی اس بات کا بھر پور احساس دلایا جائے کہ کشمیر سے متعلق اس کی منظور کردہ قرار داد پر گزشتہ 69سالوں سے تا حال عملدرآمد نہیں ہوا ہے اور بھارت نہ صرف قرا ر داد کی دھجیاں اڑار ہا ہے بلکہ وہ عالمی قوانین کی بھی سنگین خلاف ورزی کررہا ہے انہوں نے کہا کہ مقبوضہ کشمیر پر بھارت کا غاصبانہ قبضہ ہے اور یہ بات قوام متحدہ کے ریکارڈ پر موجود ہے تبہی اقوام متحدہ نے مظلوم کشمیریوں کو حق خود ارادیت دلانے کا وعدہ کیا ہوا ہے تاہم کشمیر اپنے حل کے انتظار میں69 سالوں سے جل رہا ہے انہوں نے مذید کہا کہ بھارت ازل سے ہی پاکستان کا دشمن ہے اس نے اپنی گھناؤنی سازشوں سے پہلے مشرقی پاکستان ہم سے جدا کیاا اور اب باقی ما ند ہ پاکستان کو بھی غیر مستحکم کرنے کے لئے ملک بھر میں دہشت گردی کرا رہا ہے جس کے ٹھوس شواہد کئی بار دنیا کے سامنے آ چکے ہیں، لیکن پھر بھی عالمی برادری کا نوٹس نہ لینا اس بات کا اشارہ ہے کہ ہمارے حکمران اپنا مؤقف عالمی برادری میں صحیح طور پر پیش نہیں کرپارہے ہیں ۔
(جاری ہے)
متعلقہ عنوان :
مزید قومی خبریں
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.