ریلی ڈرامہ فلاپ‘ صرف6ہزار لوگوں کی شرکت پر عمران خان مایوس ہو گئے:زعیم قادری
کنٹینرز کا بہانہ بنا کر پی ٹی آئی کے رہنما احتجاجی ریلی کی ناکامی کی مایوسی چھپانا چاہتے ہیں عمران خان بے مقصد ریلیوں سے کب تک عوام کو تکلیف اور مسائل میں مبتلا کرتے رہیں گے پی ٹی آئی کی سیاست عوامی خدمت نہیں ذاتی اقتدار کے لئے ہے‘ شیخ چلی دن میں بھی خواب دیکھتا ہے
ہفتہ 3 ستمبر 2016 23:10
لاہور (اُردو پوائنٹ اخبارتازہ ترین - آن لائن۔3 ستمبر ۔2016ء) پنجاب اسمبلی کے رکن سیدزعیم حسین قادری نے کہا ہے کہ پی ٹی آئی کی احتجاجی ریلی کا ڈرامہ فلاپ ہو چکا ہے۔ پورے ملک سے 6ہزار لوگوں کے آنے پر عمران خان مایوس ہو چکے ہیں۔ کنٹینر کا بہانہ بنا کر احتجاجی ریلی کی ناکامی کی مایوسی چھپانا چاہتے ہیں۔ سیدزعیم حسین قادری نے عمران خان اور دیگر کے بیانات پر تبصرہ کرتے ہوئے کہا کہ عمران خان بے مقصد احتجاجی جلسوں اور ریلیوں سے کب تک عوام کو تکلیف اور مسائل میں مبتلا کرتے رہیں گے۔
پی ٹی آئی کی سیاست عوامی خدمت نہیں ذاتی اقتدار کے لئے ہے۔ کیونکہ عوام کے مسائل سڑکوں پر نہیں پارلیمنٹ میں حل ہوتے ہیں۔ سیدزعیم حسین قادری نے کہا کہ احتجاجی ریلی سے شاہراہ‘ راستے بند کرنا اور تاجروں کے لئے رزق حلال کمانے کی راہ میں حائل ہونا انتہائی قابل مذمت اقدام ہے۔(جاری ہے)
انہوں نے کہا کہ عمران خان انتخابات اور عدالت میں ہار چکے ہیں۔
ہاری ہوئی جنگ کو سڑکوں پر نہیں جیت سکتے۔ اس احتجاج سے بھی اب ان کی قسمت نہیں بدلے گی۔ انہوں نے کہا ہم تعمیر کی سیاست کرتے ہیں اور عوام تعمیر کی سیاست کرنے والے کو ووٹ دیتے ہیں۔ ضمنی انتخابات میں مسلم لیگ (ن) کے امیدواروں کی پے درپے جیت پی ٹی آئی کے خلاف عوامی ریفرنڈم ہے۔ کنٹینرپارٹی کا زوال شروع ہو چکا ہے۔ زعیم قادری نے مزیدکہا کہ روالپنڈی کے شیخ چلی اور مولانا کینیڈی کا اتحاد دوصفروں کا مجموعہ ہے۔ شیخ چلی کو دن میں بھی اقتدار کے سہانے خواب آتے ہیں۔ انہوں نے کہا کہ مسلم لیگ(ن) کے ناقد نوازشریف کی بنائی ہوئی موٹروے پر ہی سفر کرتے ہیںمتعلقہ عنوان :
مزید اہم خبریں
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
اگر 9 مئی والوں سے مذاکرات ہوئے تو پھر آئندبڑا سانحہ ہوسکتا ہے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
-
غیر قانونی بھرتیاں کیس، پرویزالٰہی کی درخواست ضمانت 2مئی کو سماعت کیلئے مقرر
-
نوجوانوں کیلئے متعین کوٹے پر عملدرآمد یقینی بنایا جائے ،وزیراعلیٰ گلگت بلتستان کا وزیراعظم شہباز شریف کو خط
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.