شام میں ایران کا نئے متعارف کرائے گئے سلیمانی میزائل سے حملہ
حلب اورحماہ میں جھڑپوں کے دوران باسیج ملیشیاؤں کے دوافسر،ایک کمانڈراورافغان ملیشیاؤں کے تین ارکان بھی مارے گئے
بدھ 7 ستمبر 2016 17:38
تہران(اُردو پوائنٹ اخبارتازہ ترین - این این آئی۔7 ستمبر ۔2016ء) ایران کی جانب سے ایک نیا میزائل منظر عام پر لایا گیا ہے جس کو اس نے سلیمانی کا نام دیا ہے، مذکورہ میزائل کو پہلی مرتبہ شام کے صوبے حْماہ میں شامی اپوزیشن فورسز کے خلاف حلب اور حْماہ میں پاسداران انقلاب کی بڑھتی ہوئی ہلاکتوں کے بیچ استعمال کیا گیا۔ یہاں مسلسل جھڑپوں کے دوران باسج ملیشیاؤں کے دو افسر اور ایک کمانڈر کے ہلاک ہونے کے علاوہ افغان ملیشیاؤں کے 3 ارکان بھی مارے گئے۔
میڈیارپورٹس کے مطابق پاسداران انقلاب کی قریبی نیوز ایجنسی کے مطابق زمین سے زمین تک مار کرنے والا یہ میزائل 500 کلوگرام وزنی ہیڈ لے جانے کی صلاحیت رکھتا ہے۔شام میں حْماہ کے نواحی علاقے میں اپوزیشن فورسز کے خلاف اس کو کامیابی سے داغا گیا۔(جاری ہے)
ایجنسی کے مطابق اس میزائل کو عراق میں فیلق بدر ملیشیاؤں کے زیر انتظام ٹیکنیکل شعبے کے انجینئروں نے ڈیزائن کیا ، اس ملیشیا کا شمار تہران نواز اہم ترین جماعتوں میں ہوتا ہے۔
دوسری جانب ایرانی میڈیا نے حلب میں لڑائی میں پاسداران انقلاب کے دو افسران حسین علیخانی اور اکبر نظری اور باسج ملیشیاؤں کے ایک کمانڈر عادل سعد کے ہلاک ہونے کی خبر دی ہے۔ اس دوران افغان ملیشیا "فاطمی" کے تین جنگجو بھی مارے گئے جن کے نام مرتضی اکبری، مہدی قنبری اور محمود حسینی ہیں۔مزید بین الاقوامی خبریں
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.