کشمیری ہندوستان کے ظلم و جبر اور ریاستی دہشت گردی کے سامنے ہمت کیساتھ کھڑے ہیں ،محمد زین الٰہی
کشمیریوں کی قربانی ضرور رنگ لائیگی ،انہیں حق خود ارادیت مل کر رہیگا ،کمزور حکومتی خارجہ پالیسی کے باعث پاکستان عالمی سطح پر کشمیر کے معاملہ پر تنہائی کا شکار ہے ، رکن قومی اسمبلی
منگل 20 ستمبر 2016 20:20
اٹک (اُردو پوائنٹ اخبارتازہ ترین - این این آئی۔20ستمبر ۔2016ء) رکن قومی اسمبلی محمد زین الٰہی نے کہا ہے کہ کشمیری ہندوستان کے ظلم و جبر اور ریاستی دہشت گردی کے سامنے ہمت کے ساتھ کھڑے ہیں کشمیریوں کی قربانی ضرور رنگ لائے گی اور انہیں حق خود ارادیت مل کر رہے گا مگر اس سلسلے میں حکومت کی کمزور خارجہ پالیسی کے باعث پاکستان آج عالمی سطح پر کشمیر کے معاملہ پر تنہائی کا شکار ہے جو کہ موجودہ حکومت کی سب سے بڑی ناکامی ہے وزیر اعظم کی خارجہ پالیسی میں کشمیر کا ذکر تک نہیں ملتا جبکہ اُن کے بیانات میں مودی سے دوستی اہم مقام رکھتی ہے ان خیالات کا اظہار انہوں نے میڈیا کے نما ئندوں سے بات چیت کر تے ہو ئے کیا انہوں نے کہا کہ کشمیر کا مسئلہ بنیادی اہمیت کا حامل ہے اقوام متحدہ اور دیگر بین الاقوامی فورم پر اس مسئلہ کو اُٹھانے کے لیے ایک مستقل وزیر خارجہ کی ضرورت ہے وزیر خارجہ نہ ہونے کی وجہ سے بھی خارجہ پالیسی ناکامی کا شکار ہے انہوں نے کہا کہ پاکستان خود دہشت گردی کا شکارہے اس جنگ میں پاکستان سیکیورٹی فورسز اور عوام ہزاروں کی تعداد میں قربانیاں دے چکے ہیں مگر اس کے باوجود دنیا تک اپنا نقطہ ء نظر نہیں پہنچا رہے ہیں چاہیے تو یہ تھا کہ اقوام متحدہ میں اس مسئلہ کو اُٹھایا جاتا اور دیگر ممالک کے ساتھ باہم مل کر اقوام متحدہ کو مجبور کیا جاتا کہ وہ کشمیریوں کو جینے کا حق دیں اور مقبوضہ وادی میں بھارتی فورسز کے ہاتھوں آئے روز بے گناہ کشمیریوں کی شہادت اور ظلم و ستم کے خلاف قرارداد پاس کرائی جاتی مسلم لیگ (ن) کی حکومت ان اہم ایشو ز پر خاموشی کو بہتر سمجھتی ہے جو کہ موجودہ حکومت کی ناکامی کی سب سے بڑی دلیل ہے انہوں نے کہا کہ بھارت مقبوضہ کشمیر میں ظلم و بر بریت اور انسانی حقوق کی پامالی کے باوجود پاکستان کو نمبر1مسئلہ سمجھتا ہے اور آئے روز پاکستان کے خلاف سازشوں میں مصروف ہے بلوچستان میں اُس کی مداخلت کے واضح ثبوت ملے ہیں وہ ہمیں خوشحال اور مستحکم ملک نہیں دیکھنا چاہتا اُس کی پالیسیوں کے سبب بھارت کا کوئی بھی پڑوسی ملک اُس سے محفوظ نہیں ہے آخر میں انہوں نے کہا کہ کشمیری حریت پسندوں کی جدو جہد اور قربانیوں کو پاکستانی قوم سلام پیش کرتی ہے ۔
متعلقہ عنوان :
مزید قومی خبریں
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.