افغانستان کی جانب سے شرپسندوں کا مہمند ایجنسی اور باجوڑ ایجنسی میں سرحد پر قائم پاکستانی چیک پوسٹوں پر حملہ ‘سیکیورٹی فورسزکی جوابی کاروائی نے پسپائی پر مجبور کردیا

میاں محمد ندیم جمعہ 23 ستمبر 2016 14:16

باجوڑ ایجنسی(اردو پوائنٹ اخبارتازہ ترین-انٹرنیشنل پریس ایجنسی۔23 ستمبر۔2016ء) بھارت کے اتحادی افغانستان کی جانب سے شرپسندوں نے مہمند ایجنسی اور باجوڑ ایجنسی میں سرحد پر قائم پاکستانی چیک پوسٹوں پر حملہ کیا جسے سیکیورٹی فورسز نے ناکام بنا دیا۔ افغانستان کی جانب سے شرپسندوں نے پاکستانی چیک پوسٹوں پر حملہ کیا جسے پاک فوج اور ایف سی کے اہلکاروں نے ناکام بنا دیا اورشرپسندوں کو بھاگنے پرمجبور کر دیا۔

(جاری ہے)

فرنٹیئر کانسٹبلری کے ترجمان کے مطابق مہمند ایجنسی کے شیخ بابا اور باجوڑ میں نوا پاس سیکٹرپرقائم پاکستانی بارڈر مینجمنٹ کی مختلف چیک پوسٹوں پر بڑے ہتھیاروں سے حملہ کیا گیا جس کے جواب میں پاک فوج اور ایف سی اہلکاروں نے بھرپور کارروائی کرتے ہوئے انہیں بھاگنے پر مجبور کردیا تاہم حملے میں کسی بھی جانی نقصان کی اطلاع نہیں۔ واضح رہے کہ افغانستان کے صوبہ کنڑ سے پاکستانی حدود میں شرپسندوں کی جانب سے وقفے وقفے سے کارروائی کی جاتی رہی ہے جس کا پاکستانی سیکیورٹی فورسز نے ہمیشہ بھرپور جواب دیا ہے۔

Facebook Twitter Google + Share on Whatsapp

متعلقہ عنوان :

مزید اہم خبریں