الرقہ کو داعش سے آزاد کرانے کے آپریشن میں حصہ لیں گے٬ سعودی عرب

جمعہ 28 اکتوبر 2016 11:13

ریاض۔ (اُردو پوائنٹ اخبارتازہ ترین - اے پی پی۔ 28 اکتوبر2016ء) سعودی عرب کی وزارت دفاع کے مشیر اور عرب اتحادی فوج کے ترجمان جنرل احمد عسیری نے کہا ہے کہ ان کا ملک شام میں امریکا کی قیادت میں ’داعش‘ کے مرکز الرقہ میں فوجی آپریشن میں حصہ لینے کے لیے تیار ہے۔

(جاری ہے)

العربیہ سے بات کرتے ہوئے جنرل عسیری نے کہا کہ توقع ہے کہ جلد ہی امریکا کی قیادت میں شام کے الرقہ شہر میں داعش کے گڑھ میں فوجی آپریشن شروع کیا جائے گا۔

ضرورت پڑی اور ہم سے مدد مانگی گئی تو سعودی عرب اس آپریشن میں بھرپور حصہ لے سعودی مشیر دفاع کا کہنا ہے کہ ریاض الرقہ میں داعش کے خلاف متوقع فوجی آپریشن میں فضائی حملوں کی حد تک حصہ لینے کے لیے تیار ہے۔ انہوں نے انکشاف کیا کہ 2014ء میں داعش کے خلاف وجود میں آنے والے عالمی اتحاد کی زیرنگرانی سعودی عرب داعش کے ٹھکانوں پر 201 فضائی حملے کرچکا ہے۔