نیشنل ہائی ویز اینڈ موٹروے پولیس نے اسلام آباد-لاہور موٹروے پر بروقت کارروائی کرتے ہوئے فیصل آباد سے چوری کی گئی کار برآمد کرلی

پیر 31 اکتوبر 2016 22:57

اسلام آباد ۔ (اُردو پوائنٹ اخبارتازہ ترین - اے پی پی۔ 31 اکتوبر2016ء) نیشنل ہائی ویز اینڈ موٹروے پولیس نے اسلام آباد-لاہور موٹروی(M-2) پر بروقت کاروائی کرتے ہوئے فیصل آباد سے چوری کی گئی کار برآمد کرلی۔ تفصیلات کے مطابق موٹروے پولیس کو اطلاع ملی کہ ایک Vitzکار نمبر ASF-802فیصل آباد سے چوری کی گئی ہے ۔

(جاری ہے)

لہذا موٹروے پولیس مذکورہ کار کی برآمد گی میں مدد کرے ٬ یہ اطلا ع ملتے ہی موٹروے پولیس نے اپنی تمام پیٹرولنگ گاڑیوں کو الرٹ کر دیا ٬انتہائی سخت چیکنگ کے باعث نامعلوم ملزمان کار کو موٹروے (M-2) پر کلر کہار کے علاقے میں چھوڑ کر فرار ہوگئے۔

موٹروے پولیس کے افسران SPOتصدق حسین اورPO صفدر عباسی نے کار کو اپنے قبضے میں لے کر تلاشی تو رجسٹریشن بک برآمد ہوئی ٬ بعدازاں موٹروے پولیس نے برآمد شدہ کار کو برائے مزید قانونی کارروائی لوکل پولیس تھانہ للِہ کے حوالے کر دیا گیا۔