پیرس میں پولیس اہلکار پر حملہ کرنے والا شخص گرفتار

جمعہ 3 فروری 2017 19:54

پیرس ۔ (اُردو پوائنٹ اخبارتازہ ترین - اے پی پی۔ 03 فروری2017ء) فرانس کے دارالحکومت پیرس میں پولیس اہلکار پر حملہ کرنے والے شخص کو فائرنگ کر کے زخمی کرنے کے بعد گرفتار کر لیا گیا۔ فرانسیسی خبررساں ادارے کے مطابق حملہ آور ایک ڈنڈے سے مسلح تھا اور اس نے پولیس اہلکار پر حملے کے وقت ’’ اللہ اکبر‘‘ کا نعرہ بھی بلند کیا۔

(جاری ہے)

پولیس کے مطابق حملہ آور کے پاس سے کوئی دھماکہ خیز مواد برآمد نہیں ہوا تاہم وزیراعظم برنارڈکینرینو نے اسے بظاہر دہشتگردی کی کارروائی قرار دیا ہے۔

پولیس کے مطابق یہ واقعہ پیرس کے لورے میوزیم کے پاس پیش آیا جس کے بعد قانون نافذ کرنے والے اداروں کے اہلکاروںنے علاقے کو گھیرے میں لے کر تمام راستے ٹریفک اور پیدل چلنے والوں کے لئے بلند کر دئیے۔ حکومت کی طرف سے پیرس کے مکینوں کو ہدایت کی گئی ہے کہ وہ اس واقعہ کے حوالے سے افواہوں پر کان نہ دھریں اور سرکاری اداروں کی ہدایات پر عملدرآمد کریں۔