چین کی طرف سے شمالی کوریا کے میزائل آزمائشی تجربے کی مخالفت

یہ اقدام اقوام متحدہ کی سلامتی کونسل کی قراردادوں کی خلاف ورزی ہے ،ترجمان چینی وزارت خارجہ

پیر 13 فروری 2017 15:18

چین کی طرف سے شمالی کوریا کے میزائل آزمائشی تجربے کی مخالفت

بیجنگ(اُردو پوائنٹ اخبارتازہ ترین - آئی این پی۔ 13 فروری2017ء) چین کی وزارت خارجہ کے ترجمان نے پیر کو کہا کہ چین ڈیموکریٹک پیپلز ریپبلک کوریا(شمالی کوریا) کی طرف سے بیلسٹک میزائل کے آزمائشی تجربے کے خلاف تھا جو کہ اقوام متحدہ کی سلامتی کونسل کی قراردادوں کی خلاف ورزی ہے ۔

(جاری ہے)

ترجمان کینگ شوانگ نے معمول کی پریس بریفنگ کے دوران بتایا کہ چین تمام متعلقہ فریقین پر زوردیتا ہے کہ وہ صبر وتحمل کا مظاہرہ کرے اور علاقائی استحکام کو برقرار رکھے ۔

شمالی کوریا کی سرکاری خبررساں ایجنسی کے سی این اے کے مطابق ڈی پی آرکی(شمالی کوریا) نے پیر کو دعویٰ کیا کہ اس نے زمین سے زمین تک مارک کرنے والے درمیانے اور طویل فاصلے کے بیلسٹک میزائل پک گک سونگ۔2کا کامیاب آزمائشی تجربہ کیا ہے اور اس کے اعلیٰ رہنما کنگ جون اُن نے آزمائشی فائرنگ کی رہنمائی کی۔