نیپرا ٹیرف پر کے الیکٹرک کی جانب سے دائر جائزہ پٹیشن کے دو روزہ سنوائی سیشن کا انعقاد
جمعرات 13 جولائی 2017 22:17
(جاری ہے)
انہوں نے کہا کہ چائنیز کمپنی شنگھائی الیکٹرک کے ساتھ کے الیکٹرک کا جو معاہدہ طے پایا ہے اس کو عوام کے سامنے لایا جائے۔
انہوں نے نیپرا سے درخواست کی کہ وہ کے الیکٹرک کے ٹیرف میں ہرگز اضافہ نہ کریں بلکہ ٹیرف میں مزید کمی لائے۔ انہوں نے کہا کہ کے الیکٹرک کی طرف سے شہریوں کو اضافی بل بھیجنا تشویشناک ہے۔ انہوں نے کہا کہ کے الیکٹرک سے جو ملازمین نکالے گئے ہیں، کہ ان کو جلد از جلد بحال کیا جائے کیونکہ کے الیکٹرک نے کچھ عرصہ قبل ٹیرف میں اضافہ اس بنیاد پر کیا تھا کہ وہ ملازمین کی تنخواہیں ادا نہیں کر پا رہے تھے۔ انہوں نے کہا کہ اگر کوئی عام شہری بل کی درستگی یا کسی اور معاملے کے لئے کے الیکٹرک جائے تو عملے کا رویہ انتہائی تضحیک آمیز ہوتا ہے اور کوئی شخص بات سننے کو تیار نہیں ہوتا۔ انہوں نے کہا کہ ہمارا یہ بھی مطالبہ ہے کہ کے الیکٹرک کا آڈٹ کرایا جائے، اس سلسلے میں ہم بہت جلد نیب سے بھی رابطہ کر رہے ہیں۔ اس موقع پر فیڈریشن آف پاکستان چیمبرز آف کامرس اینڈ انڈسٹریز (ایف پی سی سی آئی) کے نائب صدر مرزا اشتیاق بیگ نے کہا کہ ہم کے الیکٹرک کے شنگھائی الیکٹرک کے ساتھ ہونے والے معاہدے کو خوش آئند سمجھتے ہیں، اس سے ادارے کی کارکردگی مزید بہتر ہو گی، توانائی کا مسئلہ مستقل بنیادوں پر حل ہو گا۔ انہوں نے کہا کہ اس معاہدے سے روزگار بڑھے گا اور انڈسٹری کو بھی فائدہ ہو گا جس سے ملک کی برآمدات میں اضافہ ہو گا۔ اس موقع پر معروف تاجر عارف حبیب نے کہا کہ کے الیکٹرک کے انتظامی معاملات شنگھائی الیکٹرک کے پاس آنے سے کراچی میں بجلی کی صورتحال بہتر ہوگی۔ انہوں نے کہا کہ میری معلومات کے مطابق شنگھائی الیکٹرک کو کے الیکٹرک کا چارج سنبھالنے میں دشواری ٹیرف کی وجہ سے ہو رہی ہے کیونکہ جب معاہدہ طے پایا تھا اس وقت ٹیرف کچھ اور تھا اور اب ٹیرف کچھ اور ہے۔ انہوں نے کہا کہ میں یہ چاہتا ہوں فریقین کے مابین ٹیرف کا معاملہ جلد حل ہونا چاہئے کیونکہ موجودہ صورتحال میں کے الیکٹرک کی طرف سے توانائی کی فراہمی کا نظام غیر معیاری ہے۔ انہوں نے کہا کہ میں یہ بھی چاہتا ہوں کہ جو بھی کے الیکٹرک کو چلائے اسے فنانشل ریسورسز ملنے چاہئے۔ عارف حبیب نے کہا کہ شنگھائی الیکٹرک کے تحفظات جیسے دور ہوں گے آئندہ کی صورتحال واضح ہو جائے گی۔انہوں نے کہاکہ میری ذاتی خواہش ہے کہ شنگھائی، کے الیکٹرک معاہدے پر عمل درآمد جلد ہونا چاہے۔متعلقہ عنوان :
مزید قومی خبریں
-
پی ٹی آئی اور مولانا اکٹھے ہوگئے تو حکومت تین سے چار ماہ سے زیادہ نہیں چلے گی،فواد چودھری
-
اسٹیبلشمنٹ سے مذاکرات سب کے سامنے ہوں گے، کوئی پوشیدہ بات نہیں ہوگی، علی امین گنڈاپور
-
وزیر اعلیٰ مریم نواز (کل )30 سے زائد فیلڈ ہسپتالوں کا افتتاح کریں گی
-
وزیراعلیٰ پنجاب مریم نواز کی زیر صدارت صوبائی کابینہ کااجلاس
-
فواد چوہدری کی حاضری معافی کی درخواست منظور
-
وزیر اعلی مریم نوازکی زیر صدارت اجلاس ، پنجاب انٹی گریٹڈ پبلک پراسیکیوشن سسٹم نافذ کرنے کا فیصلہ
-
خالد مقبول صدیقی کا نیشنل یونیورسٹی آف ٹیکنالوجی کا دورہ
-
پاکستان کرغزستان کے ساتھ تعلقات کو بہت اہمیت دیتا ہی: گورنر پنجاب محمد بلیغ الرحمان
-
شریف خاندان اور زرداری دونوں بادشاہت چاہتے ہیں، شیریں مزاری
-
عام انتخابات میں نیٹ ورک اور انٹرنیٹ معطل کرنا آزادی اظہار پر پابندی تھا، رپورٹ
-
مزدور کی کم از کم تنخواہ 60000/-روپے قانونی طور پر مقرر کی جانی چاہئے،علماء مشائخ
-
وزیراعلی سندھ نے پرائمری اسکولوں کو بتدریج پوسٹ پرائمری اسکولوں میں اپ گریڈ کرنے کی پالیسی کی منظوری دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.