وزیراعلیٰ پرویزخٹک نے ریپڈ بس ٹرانزٹ منصوبے کے آپریشن اور بزنس پلان کی منطوری دی دے دی
محکمہ خزانہ کو چمکنی کے مین ٹرمینل پرزمین کے حصول کیلئے مختص 2ارب روپے میں سے 50 فیصد فوری ریلیز کرنے کے احکامات جاری ، اس منصوبے کی تکمیل میں کسی قسم کی تاخیر برداشت نہیں کی جائیگی،یہ منصوبہ پشاور میں ٹریفک کو کنٹرول کرنے کیلئے انتہائی ضروری ہے،منصوبے کے مین کوریڈور کے ساتھ 10فیڈروڈز تعمیر کئے جائیں گے وزیراعلیٰ خیبرپختونخوا پرویزخٹک بس ریپڈ ٹرانزٹ منصوبے کے حوالے سے اجلاس میں خطاب
جمعرات 20 جولائی 2017 21:18
(جاری ہے)
اس موقع پر وزیر اعلیٰ کے معاون خصوصی برائے ٹرانسپورٹ ملک شاہ محمد وزیر، ایم پی اے شوکت علی یوسفزئی، انتظامی سیکرٹریز، کمشنر پشاور اور دیگر متعلقہ افسران شامل تھے۔ اجلاس میں منصوبے کو حتمی شکل دینے کے لئے کئی اہم فیصلے کئے گئے۔
وزیر اعلیٰ نے منصوبے کے مختلف پیکجز پر ٹائم لائن کے مطابق کام تیز کرنے کے احکامات جاری کرتے ہوئے کہا کہ اس منصوبے کی تکمیل میں کسی قسم کی تاخیر برداشت نہیں کی جائے گی کیونکہ یہ منصوبہ پشاور میں ٹریفک کو کنٹرول کرنے کے لئے انتہائی ضروری ہے،منصوبے کے مین کوریڈور کے ساتھ دس فیڈروڈز تعمیر کئے جائیں گے، اس پراجیکٹ کی وجہ سے پشاور میں سفری سہولیات میں آنے والی بہتری کا عوام کو پتہ ہونا چاہئے،ہر پیکج کا ٹائم لائن مقررہ ہے، تعمیراتی کام میں تاخیر نا قابل برداشت ہے نہ اوریجنل ڈیزائین اور نہ ہی دیگر کاموں میںرکاوٹ قبول کی جائے گی، اس پراجیکٹ سے ہم سفر کی پرانی صنعت سے 21ویں صدی کی جدید سفری سہولیات کی طرف آئیں گے، اس پراجیکٹ کے لئے جو لوازمات درکار ہیں اس کو وقت پر مکمل کرنا ضروری اس لئے ہے کہ اس سے پراجیکٹ تعمیراتی فیز میں داخل ہو جائے گا،یہ پراجیکٹ پشاور سے نکلنے اور داخل ہونے والی تمام رابطہ سڑکوں کو مربوط بنا دے گا۔انہوں نے ٹیکنیکل اور آپریشنل پلان سے اتفاق کرتے ہوئے کہا کہ اس پراجیکٹ کے پورے پشاور شہر پر اچھے اثرات پڑیں گے۔انہوں نے مکمل ہونے والے کام پر ٹینڈر طلب کرنے کی ہدایت کی۔۔انہوں نے بلاتاخیر منصوبے کے ٹیکنیکل ، آپریشنل اور بزنس پلان کو جلد از جلدمکمل کرنے کی ہدایت کی تاکہ منصوبے کی بروقت تکمیل یقینی بنائی جا سکے۔ وزیر اعلیٰ نے منصوبے سے متاثر ہونے والے افراد کو مناسب معاوضہ دینے کی بھی ہدایت کی۔اسکے علاوہ وزیر اعلیٰ نے منصوبے کے لئے ماہر اور تجربہ کار عملے کی تعیناتی کے احکامات بھی جاری کر دیئے۔ وزیر اعلیٰ نے زمین کے حصول کے لئے صوبائی حکومت کی طرف سے بوقت ضرورت مزید معاونت کی بھی یقین دہانی کرائی۔ انہوں نے اس سلسلے میں تمام کام مقررہ وقت پر مکمل کرنے کے احکامات جاری کئے تاکہ اگست کے تیسرے ہفتے میں منصوبے کا افتتاح ممکن ہو سکے۔ اس موقع پر اجلاس کے شرکاء کو منصوبے کے مختلف پیکجز سے آگاہ کیا گیا۔منصوبے کا پہلا پیکج چمکنی سے قلعہ بالا حصار ، دوسرا امن چوک تک اور تیسرا حیات آباد تک ہے۔چوتھاپیکج چمکنی ، ڈبگری گارڈن اور حیات آباد میں کمرشل اور پارکنگ پلازوں پر مشتمل ہے۔منصوبے کے مین کوریڈور پر بارہ میٹر بسیں اور فیڈنگ روٹس پر9میٹر بسیں چلائی جائیں گی۔ وزیراعلیٰ نے ریپڈ بس ٹرانزٹ کے 447 بسوں کی تعداد 502 تک بڑھانے کے علاوہ دو آپریٹرز ایسٹرن ویسٹرن فیئرز کلکٹرز اور فنڈز منیجر کی تعیناتی کے علاوہ منصوبے کے لئے ملازمین کی تعداد 1300سے 3650تک بڑھانے کی بھی منظوری دی گئی۔اس منصوبے کی تکمیل سے ٹرانسپورٹ کی پرانی انڈسٹری نئی انڈسٹری میں تبدیل ہو جائے گی۔اجلاس میں کوریڈور کے سٹیشنز، سٹاپس اور دیگر امور بھی زیر غور آئے۔متعلقہ عنوان :
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.