خواجہ آصف دبئی کی کمپنی سے 50 ہزار درہم ماہانہ تنخواہ وصول کرتے ہیں: عمران خان کا الزام

محمد علی ہفتہ 11 نومبر 2017 21:39

اسلام آباد (اُردو پوائنٹ اخبارتازہ ترین۔ 11 نومبر2017ء) عمران خان کا الزام ہے کہ خواجہ آصف دبئی کی کمپنی سے 50 ہزار درہم ماہانہ تنخواہ وصول کرتے ہیں۔ تفصیلات کے مطابق تحریک انصاف کے سربراہ عمران خان نے الزام عائد کیا ہے کہ وزیر خارجہ خواجہ آصف کے پاس بھی دبئی کا اقامہ ہے۔

(جاری ہے)

جبکہ خواجہ آصف دبئی کی ایک کمپنی سے 50 ہزار درہم ماہانہ تنخواہ بھی وصول کر رہے ہیں۔ عمران خان کا مزید دعوی ہے کہ نواز شریف کے بعد خواجہ آصف بھی نااہل قرار دے دیے جائیں گے۔ عمران خان کا مزید کہنا ہے کہ نواز شریف جاچکے وہ اب کبھی واپس نہیں آئیں گے۔ پاکستان تحریک انصاف کی حکومت بڑے لوگوں سے ٹیکس اکھٹا کرے گی۔ جبکہ بڑے چوروں کو پکڑ کر جیلوں میں ڈالیں گے ، اور لوٹا ہوا پیسہ واپس لائیں گے۔