گرمی برداشت کرنیوالی فصلوں کی تیار ی کاکام شروع کردیا ، ڈ ی جی زراعت

لاہور۔2 جنوری(اُردو پوائنٹ اخبارتازہ ترین - اے پی پی۔ 02 جنوری2018ء) ڈائریکٹر جنرل زراعت ریسرچ ڈاکٹر عابد محمود نے کہا ہے کہ گرمی برداشت کرنے والی فصلوں کی تیار ی کاکام شروع کردیا ہے ، پاکستان میں زرعی اجناس بہت زیادہ درجہ حرارت پر کاشت ہوتی ہیں، اس لئے ایسی ورا ئٹی پر کام کررہے ہیں جس سے یہ زرعی اجناس گرمی برداشت کرسکیں، انہوں نے کہاکہ محکمہ زراعت کے 25ادارے دن رات تحقیق میںمصروف ہیں ، جس سے کسانوں کو براہ راست فائدہ پہنچ رہا ہے ، انہوں نے کہاکہ پھل دار پودوں کی زیادہ سے زیادہ پیداوار حاصل کرنے کیلئے نئی ورائٹی بناکر کسانوں کوفراہم کرتے ہیں، ورائٹی کی تخلیق کے ساتھ کسان کو یہ بھی بتایا جاتا ہے کہ پودوں کے درمیان کتنا فاصلہ رکھنا اور فصل کو پانی کب وکتنادینا ہے ، انہوں نے کہاکہ اب تک ایوب زرعی تحقیقاتی ادارہ کسانوں کو پھلوں، سبزیوں اور دیگر زرعی اجناس کی500 ورائٹی فراہم کرچکا ہے ، ماضی میں گندم درآمد کررہے تھے اب گندم برآمد کررہے ہیں ،آبادی زیادہ ہونے کے باوجود گندم کی پیداوار میں کمی نہیں آئی بلکہ بڑی مقدار میں گندم کا ذخیرہ موجود ہے ، انہوں نے کہاکہ چینی، مکئی ،کینو،آم ،امردور سمیت دیگر زرعی اجناس برآمد کررہے ہیں، تحقیق کی وجہ سے ہی ہم زرعی اجناس برآمد کرنے کے قابل ہوئے ہیں، انہوں نے کہاکہ دنیا میں موسمیاتی تبدیلیاں رونما ہورہی ہیں اور اب ہم ایسی ورائٹی پر کام کررہے ہیں جس سے کم پانی سے زیادہ پیداوار حاصل کی جاسکے جبکہ باریک پتے اور لمبی جڑوں والی ورائٹی پر تیزی سے کام جاری ہے ،انہوں نے کہاکہ کپاس کی نفاست پر تیزی سے کام جاری ہے ،اسی طرح بغیر بیج کے کینوکوفروغ دیا جارہا ہے ، انہوں نے کہاکہ پاکستانی برآمدات میں 60-70فیصد حصہ زراعت کا ہے، اس لئے ہم زراعت میںجدید بنیادوں پر کام کررہے ہیں ، جدید تحقیق سے پاکستان کی برآمدات میں اضافہ ہوگا ۔