زمینداروں کی زرعی زمینوں کو سیراب کرنے کیلئے پانی کی فراہمی، پینے کا صاف پانی اور گولڈ سٹوریج کی تعمیر ہمارا منشور ہے ،سپیکر خیبرپختونخوااسمبلی اسد قیصر

پشاور(اُردو پوائنٹ اخبارتازہ ترین - آن لائن۔ 07 فروری2018ء) سپیکر خیبرپختونخوااسمبلی اسد قیصر نے کوٹھا علی خان ونڈصوابی میں ایک شمولیتی پروگرام سے خطا ب کرتے ہوئے کہا ہے کہ زمینداروں کی زرعی زمینوں کو سیراب کرنے کیلئے پانی کی فراہمی، پینے کا صاف پانی اور گولڈ سٹوریج کی تعمیر ہمارا منشور ہے تاکہ زمینداروں کی اگائی گئی سبزیاں خراب نہ ہو اور ان کا مالی نقصان نہ ہواس موقع پر کثیر تعداد میں علاقے کے لوگوں نے پاکستان تحریک انصا ف میں شمولت اختیار کی جن کو سپیکر اسد قیصر نے پارٹی کی ٹوپیاں پہنائیں ۔

انہوںنے کہا کہ ان کو کوششوں کی بدولت کنڈل ڈیم ،بادہ ڈیم اور اتلہ ڈیم کی تعمیر شروع ہوئی جبکہ 28تاریخ کو انشاء اللہ عمران خان کے ہاتھوں اتلہ ڈیم کا افتتاح ہوگا ۔

(جاری ہے)

اس ڈیم سے سارے علاقہ گدون کو پینے کا صاف پانی دستیاب اور تقریباًچھ ہزار جیرب زمین سیراب ہوگی اور لوگوں کی معاشی مشکلات حل ہوں گی ۔انہوںنے کہا کہ بے روز گاری کے مسئلے پر قابو پانے کیلئے سی پیک میں مرکز سے صوبے کیلئے زیادہ سے زیادہ پراجیکٹ حاصل کررہے ہیں ۔

اکنامک زون کی تعمیر سے بیس لاکھ نوجوانوں کو روزگارملے گا اور علاقے میں خوشحالی آئے گی ۔انہوںنے اعلان کیا کہ عنقریب عمران خان بام خیل میں سپوٹس کمپلیکس کا افتتاح کریں گے ۔اس موقع پر سپیکر اسد قیصر نے علی خان ونڈ کیلئے تین کے وی کے پچاس ٹرانسفارمر ،بجلی پول اور ہینڈ پمپ دینے کا اعلان بھی کیا اور ساتھ میں لوگوں کو دعوت دی کہ 8فروری کو مرغز میں زمینداروں کیلئے بلائی گئی کانفرنس میں بھر پور شرکت کریں ۔جس میں زمینداروں کیلئے پیکج کا اعلان کیا جائے گا اور ان کے مسائل کے حل پر بات ہوگی۔