پی آئی اے کی پرواز میں جھگڑا کرنا خواتین کو مہنگا پڑ گیا

پی آئی اے کے عملے نے جھگڑا کرنے والی دونوں خواتین کو جہاز سے اتار دیا

سید فاخر عباس بدھ 7 مارچ 2018 22:16

لاہور(اردو پوائنٹ تازہ ترین اخبار- 07مارچ2018ء): پی آئی اے کی پرواز میں جھگڑا کرنا خواتین کو مہنگا پڑ گیا۔پی آئی اے کے عملے نے جھگڑا کرنے والی دونوں خواتین کو جہاز سے اتار دیا۔تفصیلات کے مطابق یہ واقعہ گزشتہ روز لاہور ائیر پورٹ پر پیش آیا جہاں لاہور سے روانہ ہونے کے لیے تیار کھڑی پی آئی اے کی پرواز پر دو خواتین سوار ہوئیں ۔

(جاری ہے)

دونوں خواتین کے پاس بزنس کلاس کے ٹکٹ موجود تھے لیکن جیسے ہی اپنی اپنی جگہ پر پہنچیں تو ان میں بحث شروع ہو گئی جو بڑھتے بڑھتے گالم گلوچ اور بعد ازاں ہاتھا پائی میں تبدیل ہو گئی۔

دونوں خواتین کی لڑائی کے باعث مسافر کو شدید پریشانی کا سامنا کرنا پڑا جس پر عملے نے مداخلت کی اور دونوں خواتین کو سمجھانے کی کوشش کی مگر عملے کی تمام کاوشیں بے سود رہیں۔خواتین کو سمجھایا گیا مگر وہ باز نہ آئیں جس پر خواتین کو جہاز سے اتار دیا گیا۔دونوں خواتین کی وجہ سے جہاز 35 منٹ کی تاخیر سے روانہ ہوا۔

Facebook Twitter Google + Share on Whatsapp

پی آئی اے کی پرواز میں جھگڑا کرنا خواتین کو مہنگا پڑ گیا

پی آئی اے کے عملے نے جھگڑا کرنے والی دونوں خواتین کو جہاز سے اتار دیا

مزید اہم خبریں