کشمیریوں کی تحریک آزادی منطقی انجام کی طرف بڑھ رہی ہے، بھارت عوام کی طاقت کو فوجی ہتھکنڈوں سے کچل نہیں سکتا، سردار عتیق احمد خان

پیر 16 اپریل 2018 17:45

مظفر آباد ۔ (اُردو پوائنٹ اخبارتازہ ترین - اے پی پی۔ 16 اپریل2018ء) آزاد کشمیرکے سابق وزیراعظم اور آل جموں وکشمیر مسلم کانفرنس کے صدر سردار عتیق احمد خان نے کہا ہے کہ کشمیریوں کی تحریک آزادی منطقی انجام کی طرف بڑھ رہی ہے ، بھارت عوام کی طاقت کو فوجی ہتھکنڈوں سے کچل نہیں سکتا۔ سردار عتیق احمد خان نے پٹہکہ ، کہوڑی ، منڈل ،نور ا سیری ، کنڈی پیراں دورہ کے دوران کانفرنسی کارکنوں سے خطاب کرتے ہوئے کہا کہ عالمی طاقتوں کو حالات کی سنگینی کا احساس کرتے ہوئے مسئلہ کشمیر کے حل کے لئے ثالثی کے لئے آگے بڑھنا چاہیے ، دوایٹمی طاقتوں کے درمیان مسئلہ حل نہ ہوا تو خطے کا امن تباہ ہو سکتا ہے۔

انہو ں نے کہا کہ آزاد کشمیر کے عوام مقبوضہ کشمیر کے عوام کے ساتھ ہیں، حکومتوں کو بھی عوامی جذبات کا احساس کر کے اپنی پالیسی کو عوامی جذبات سے ہم آہنگ کرنا چاہیے ۔

(جاری ہے)

سردار عتیق احمد خان نے کہا کہ سیز فائر لائن پر بسنے والے عوام کی قربانیاں لا زوال ہیں، یہ لوگ اپنے گھروں میں بھارتی جبر کا مقابلہ کر کے ملک کی سیکنڈ ڈیفنس لائن کا کردار ادا کررہے ہیں،آزاد کشمیر اور وفاقی حکومتوں کو پہلی ترجیح کے طور پرسیز فائر لائن پر بسنے والے متاثرہ عوام کی مشکلات کے حل کی جامع پالیسی ترتیب دینی چاہئیے۔

انہوں نے کہا کہ آزاد کشمیر حکومت اب عوامی مسائل کے حل کی طرف بھی توجہ دے ۔ اس موقع پر ان کے ہمراہ پیر سید مرتضی گیلانی ، دیوان علی خان چغتائی ، میر عتیق الرحمان ، خواجہ محمد شفیق ، سلیم اعوان، عنصر پیرزادہ ، سمیعہ ساجد راجہ ،راجہ بشیر خان ،راجہ محسن مجید ،ہارون آزاد، سیٹھ کریم اللہ ، رفیق عباسی تھے ۔صدر مسلم کانفرنس سردار عتیق احمد خان مظفرآباد کا 4 روزہ دورہ مکمل کرنے کے بعد غازی آباد دھیرکوٹ روانہ ہو گئے۔

Facebook Twitter Google + Share on Whatsapp

کشمیریوں کی تحریک آزادی منطقی انجام کی طرف بڑھ رہی ہے، بھارت عوام کی طاقت کو فوجی ہتھکنڈوں سے کچل نہیں سکتا، سردار عتیق احمد خان

متعلقہ عنوان :

مزید کشمیر کی خبریں