جموںوکشمیر میں زلزلے کے جھٹکے،مرکز 185 کلومیٹر زیر زمین افغانستان کے ہندوکش علاقے میں تھا

جمعرات 2 جولائی 2026 12:48

سرینگر (اُردو پوائنٹ اخبارتازہ ترین - اے پی پی۔ 02 جولائی2026ء) بھارت کے غیر قانونی زیر تسلط جموں و کشمیر کے کئی حصوں میں زلزلے کے ہلکے جھٹکے محسوس کیے گئے۔

(جاری ہے)

کشمیر میڈیا سروس کے مطابق بدھ کی رات دیر گئے علاقے کے کئی حصوں میں ہلکے جھٹکے محسوس کیے گئے، زلزلے کا مرکز 185 کلومیٹر کی گہرائی میں افغانستان کے ہندوکش کے علاقے میں تھا۔زلزلے کے جھٹکے وادی کشمیر کےساتھ ساتھ جموں خطے کے کچھ حصوں میں بھی محسوس کیے گئے، بہت سے لوگ اس دوران گھروں سے باہر آگئے ۔ حکام نے بتایا کہ فوری طور پر کسی جانی یا مالی نقصان کی کوئی اطلاع نہیں ہے۔