بینظیر انٹرنیشنل ایئرپورٹ پر بیرون ملک جانے والے مسافر کے سامان سے ہیروئن اور چینی خاتون سے دو روند بر آمد

منگل 17 اپریل 2018 21:27

راولپنڈی17اپریل(اُردو پوائنٹ اخبارتازہ ترین - اے پی پی۔ 17 اپریل2018ء) بینظیر انٹرنیشنل ایئرپورٹ پر اے ایس ایف حکام نے کارروائی کرتے ہوئے بیرون ملک جانے والے مسافر کے سامان سے ہیروئن برآمد ہونے پر اسے گرفتار کر لیا ہے۔

(جاری ہے)

اے ایس ایف حکام کے مطابق بینظیر انٹرنیشنل ائیرپورٹ سے نجی ائیرلائن کی پرواز سے جدہ جانے والے مسافر شفاعت کے سامان سے 836 گرام ہیروئن برآمد ہونے پر اسے گرفتار کر لیا گیا ہے،اے ایس ایف حکام کے مطابق مسافر نے ہیروئن سامان کے خفیہ خانوں میں چھپا رکھی تھی،مسافر کو مزید تفتیش کے لیے اے این ایف حکام کے حوالے کر دیا گیا ہے جس کے خلاف تھانہ اے این ایف راولپنڈی نے مقدمہ درج کر لیا ہے۔

دریں اثناء چینی خاتون سے پستول کی دوگولیاں اور ایک خول برآمد ہوا ہے۔اے ایس ایف نے چینی خاتون ژانگ لین کو حراست میں لے لیا ۔اے ایس ایف حکام کا کہنا ہے کہ چینی خاتون کو تفتیش کے لئے کنٹرول روم منتقل کر دیا گیا ہے۔

Facebook Twitter Google + Share on Whatsapp

بینظیر انٹرنیشنل ایئرپورٹ پر بیرون ملک جانے والے مسافر کے سامان سے ہیروئن اور چینی خاتون سے دو روند بر آمد

متعلقہ عنوان :

مزید قومی خبریں