محکمہ زکوٰة کو ویلیو ایڈڈ ٹیکس سے 26 ارب ریال کی آمدنی متوقع

بدھ 18 اپریل 2018 10:40

ریاض ۔ (اُردو پوائنٹ اخبارتازہ ترین - اے پی پی۔ 18 اپریل2018ء) سعودی محکمہ زکوٰة و آمدنی کو ویلیو ایڈڈ ٹیکس سے 26 ارب ریال کی آمدنی متوقع ہے۔ سعودی ذرائع ابلاغ کے مطابق محکمہ زکوٰة و آمدنی کو یہ آمدنی سعودی حصص مارکیٹ "تداول"میں رجسٹرڈ 127کمپنیوں کی خدمات اور مصنوعات پر ویلیو ایڈڈ ٹیکس سے حاصل ہو گی۔

(جاری ہے)

محکمہ کی جانب سے بینکوں اور انشورنس کمپنیوں کو ویلیو ایڈڈ ٹیکس سے استثنیٰ دیا گیا ہے۔

مذکورہ کمپنیوں کی مجموعی آمدنی 526 ارب ریال تک ہو گی۔ جاری کردہ تفصیلات کے مطابق 29 فیصد آمدنی سابک کمپنی سے ہو گی۔ اس سے 7.5 ارب ریال ویلیو ایڈڈ ٹیکس وصول ہو گا جبکہ سعودی مواصلاتی کمپنی ویلیو ایڈڈ ٹیکس دینے والی دوسری بڑی کمپنی ہو گی جس کی آمدنی 2017ء میں 50ارب ریال سے زیادہ ہوئی تھی اور توقع ہے کہ 2018ء میں اس سے ویلیوایڈڈ ٹیکس 2.537 ارب ریال تک وصول کیا جا سکے گا۔

Facebook Twitter Google + Share on Whatsapp

محکمہ زکوٰة کو ویلیو ایڈڈ ٹیکس سے 26 ارب ریال کی آمدنی متوقع

متعلقہ عنوان :

مزید بین الاقوامی خبریں