آر پی او نے عوامی شکایات پر حوالدار تھانہ کلر سیداں کا تبادلہ کر دیا

بدھ 18 اپریل 2018 18:18

راولپنڈی ۔18 اپریل(اُردو پوائنٹ اخبارتازہ ترین - اے پی پی۔ 18 اپریل2018ء) ریجنل پولیس آفیسر راولپنڈی محمد وصال فخر سلطان نے عوامی شکایات پر سخت ایکشن لیتے ہوئے حوالدار اظہر کا تھانہ کلر سیداں سے تبادلہ کر دیا ہے۔

(جاری ہے)

پولیس ترجمان کے مطابق اہلیان علاقہ ڈڈیال آزاد کشمیر صوبہ شاہ نے ریجنل پولیس آفیسر راولپنڈی محمد وصال فخر سلطان کو شکایت کی تھی کہ علاقہ تھانہ کلر سیداں ضلع راولپنڈی میں شاہ خاکی کے مقام پر پولیس پکٹ پر تعینات حوالدار اظہر وہاں سے گزرنے والی عوام اور بالخصوص بیرون ملک سے آنیوالوں کیلئے پریشانی کا سبب ہے اور لوگوں کو بلاوجہ تنگ کرتا ہے جس پر ایکشن لیتے ہوئے ریجنل پولیس آفیسر راولپنڈی نے سٹی پولیس آفیسر راولپنڈی کو حکم دیا ہے کہ حوالدار اظہر کو تھانہ کلر سیداں سے دیگر جگہ ٹرانسفر کرکے اسکے خلاف بعداز تصدیق حقائق سخت محکمانہ ایکشن لیا جائے۔