حکومت ملک میں کھیلوں کی ترقی کیلئے اہم اقدامات کر رہی ہے، منصور احمد

اسلام آباد (اُردو پوائنٹ اخبارتازہ ترین - این این آئی۔ 18 اپریل2018ء) پاکستان سپورٹس بورڈ کے ڈپٹی ڈائریکٹر جنرل منصور احمد نے کہا ہے کہ حکومت ملک میںکھیلوں کی ترقی کے لئے بھر پور اقدامات کر رہی ہے، ان خیالات کا اظہار انہوں نے گذشتہ روز پاکستان سپورٹس بورڈ کے حمید ہال میں پاکستان ٹیبل ٹینس سپر لیگ کی اختتامی تقریب سے خطاب کرتے ہوئے کیا، اس موقع پر پاکستان ٹیبل ٹینس فیڈریشن کے صدر خواجہ حسن ودود، سیکرٹری جنرل کفایت اللہ خان، آرگنائزنگ سیکرٹری شاہد بلوچ ، چیئرمین سلیکشن کمیٹی ندیم منصور کے علاوہ شائقین کی کثیر تعداد بھی موجود تھی، انہوں نے کہا کہ کھلاڑی ہمارا قومی سرمایہ ہیں ان کی حوصلہ افزائی کر حکومت کی اولین ترجیحات میں شامل ہیں، انہوں نے کہا کہ حکومت چاہتی ہے کہ ملک میں کھیلوں کے میدان آباد ہونگے جس سے ہماری نوجوان نسل مختلف معاشرتی برائیوں سے بچایا جا سکے، انہوں نے کہا کہ اس وقت پاکستان سپورٹس کمپلیکس میں ایشین گیمز اور انٹرنیشنل مقابلوں کی تیاری کے سلسلہ میں مختلف ٹیموں کے کھلاڑیوں کے تربیتی کیمپ جاری ہیں، جن میں اتھلیٹکس، والی بال، آرچری،تائیکوانڈو اور کبڈی شامل ہیں، ان کھلاڑیوں کو کوچز جدید اور اعلیٰ تربیت دے رہے ہیں، انہوں نے کہا کہ وفاقی دارالحکومت کے کھلاڑیوں کے لئے پاکستان سپورٹس کمپلیکس کے ہر وقت دروازے کھولے ہیں اور وہ ہر وقت تربیت حاصل کر سکتے ہیں،پاکستان سپر لیگ میں اسلام آباد کمانڈر نے پہلی اور کراچی کرارے نے دوسری پوزیشن حاصل کی، لیگ میں ملک بھر سے آٹھ ٹیموں نے حصہ لیا، جن میں اسلام آباد کمانڈر،کراچی کرارے، راول جگنی، ملتان صوفیاں، پشاوردلاور، کوئٹہ ڈیفنڈرز، لاہور استاد اور فیصل آباد شیر دل شامل ہیں۔