جی سیون وزراء خزانہ کا شمالی کوریا کی غیر قانونی سرگرمیوں پر تشویش کا اظہار

جمعرات 19 اپریل 2018 11:23

واشنگٹن۔ (اُردو پوائنٹ اخبارتازہ ترین - اے پی پی۔ 19 اپریل2018ء) ترقی یافتہ سات صنعتی ممالک کے وزرائے خزانہ نے شمالی کوریا کی غیر قانونی سرگرمیوں پر تشویش کا اظہار کرتے ہوئے سخت نگرانی اور کنٹرول کی ضرورت پر زور دیا ہے۔

(جاری ہے)

جرمن نشریاتی ادارے کے مطابق وزرائے خزانہ کے اجلاس میں اس پہلو پر خاص طور پر توجہ مرکوز کی گئی کہ شمالی کوریا کسی نہ کسی طرح عالمی پابندیوں کی خلاف ورزیوں کا ارتکاب کر رہا ہے۔ جی سیون کے وزارائے خزانہ کے اجلاس میں برطانیہ، فرانس، کینیڈا، جرمنی، اٹلی، جاپان اور امریکا کے علاوہ یورپی یونین بھی شریک تھی۔واضح رہے کہ یہ بیان ایسے وقت میں آیا ہے جب امریکا نے شمالی کوریا کے ساتھ حال ہی میں اعلیٰ سطحی مذاکراتی عمل کی حیران کن خبریں سامنے آئی ہیں۔