صوبائی محتسب بلوچستان کی ہدایت پر ضلع پنجگور میں سٹرک کی تعمیر کاکام مکمل

پیر 23 اپریل 2018 22:11

کوئٹہ۔23 اپریل(اُردو پوائنٹ اخبارتازہ ترین - اے پی پی۔ 23 اپریل2018ء) صوبائی محتسب بلوچستان عبدالغنی خلجی کی ہدایت پر ضلع پنجگور میں سٹرک کی تعمیر کاکام مکمل کرلیا گیا ۔

(جاری ہے)

تفصیلات کے مطابق صوبائی محتسب نے ضلع پنجگور میں فٹبال چوک کے سٹار چوک تک کی سٹرک کے تعمیراتی کام میں تا خیر سے متعلق عوامی شکایات پر ازخود نوٹس لیکر ایگز یکٹیو انجنئیر بی اینڈ آر پنجگور سے وضاحت طلب کرلی جس کے جواب میں انہوں نے صوبائی محتسب کوتحریری طور پر آگاہ کیا کہ امن وامان کی خراب صورتحال کی وجہ سے مذکورہ سٹرک کا تعمیراتی کام رکر گیا تھا۔جبکہ حال ہی ہی میں سٹرک کا تعمیراتی کام مکمل کرکے شکایت کا ازالہ کردیا گیا ہے ۔بعدازاں از خود نوٹس کیس نمٹا دیا گیا ۔