آشوتوش گواریکر کی فلم ’’پانی پت‘‘ کی عکسبندی کا بے صبری سے انتظار ہے، کریتی سینن

منگل 24 اپریل 2018 13:01

ممبئی ۔ (اُردو پوائنٹ اخبارتازہ ترین - اے پی پی۔ 24 اپریل2018ء) بالی وڈ اداکارہ کریتی سینن نے کہا ہے کہ انہیں ہدایتکار آشوتوش گواریکر کی فلم ’’پانی پت‘‘ کی عکسبندی کا بے صبری سے انتظار ہے۔

(جاری ہے)

بھارتی ذرائع ابلاغ کے مطابق اداکارہ کریتی سینن نے ہدایتکار آشوتوش گواریکر کی تاریخی فلم’’پانی پت‘‘ کے حوالے سے گفتگو کرتے ہوئے کہاکہ آشوتوش گواریکر اپنے کام میں بہت وسیع تجربہ رکھتے ہیں اور وہ دیکھنا چاہتی ہیں کہ آشوتوش انہیںکس طرح اپنی فلم ’’پانی پت‘‘ میں نئے اور منفرد کردار میں دکھائیں گے جبکہ یہ فلم میرے لئے ایک مختلف فلم ہو گی جس کی عکسبندی کا بے صبری سے انتظار ہے۔

فلم کی کہانی پانی پت کی تیسری لڑائی پر مبنی ہے جس میں اداکار سنجے دت، ارجن کپور، کریتی سینن شامل ہیں۔ فلم آئندہ سال 6دسمبر کو ریلیز کی جائے گی۔