ضلع کونسل لودھراں کے میونسپل اثاثہ جات کو کمپیوٹرآئزڈ کرنے کا کام شروع

بدھ 25 اپریل 2018 16:10

ملتان۔25 اپریل(اُردو پوائنٹ اخبارتازہ ترین - اے پی پی۔ 25 اپریل2018ء) پنجاب میونسپل ڈویلپمنٹ فنڈ کمپنی کی ٹیم نے ضلع کونسل لودھراں کے میونسپل اثاثہ جات کو کمپیوٹرآئزڈ کرنے کا کام شروع کردیا ہے۔

(جاری ہے)

اس مقصد کے لئے پی ایم ڈی ایف سی کی ٹیم نے گزشتہ روزضلع کونسل لودھراں کا دورہ کیا اور چیف آفیسر ضلع کونسل لودھراں اور اسسٹنٹ سے ملاقات کی اور کمپیوٹرآئزیشن عمل بارے معاملات زیر بحث آئے۔ اس دوران پی ایم ڈی ایف سی کے منیجر فضل کریم ، آئی ٹی آفیسر محمد امین ذیشان سکھیرا اور ٹیم کے ہمراہ ضلع کونسل لودھراں اور ذیلی اداروں کا ریکارڈ اپنی تحویل میں لے کر کام شروع کردیا ہے۔اس موقع پر امتیاز حیدر، سید اسد عباس، مہتاب منور، طیب بھٹی اور دیگر بھی ان کے ہمراہ تھے۔