شمالی کوریا، جوہری تجربے میں استعمال ہونیوالا پہاڑ جزوی طور پر منہدم

جمعرات اپریل 16:26

پیانگ یانگ(اُردو پوائنٹ اخبارتازہ ترین۔ 26 اپریل2018ء) شمالی کوریا میں جوہری تجربے کی سائٹ والا پہاڑ جزوی طور پر منہدم ہوگیا۔ یہ پہاڑ گزشتہ ستمبر میں کیے گئے جوہری تجربے کے بعد آنے والے آفٹر شاکس کی وجہ سے منہدم ہوا۔۔

(جاری ہے)

چینی سائنسدانوں کے مطابق وہ پہاڑ جہاں شمالی کوریا جوہری تجربے کرتا تھا جزوی طور پر منہدم ہو گیا ہے اور وہاں پر مزید جوہری تجربے نہیں کیے جا سکتے۔ تحقیق کے مطابق ستمبر میں کئے جانے والے جوہری تجربے کے ساڑھے 8 منٹ بعد پہاڑ کا حصہ منہدم ہو گیا، پنگی ری نامی سائٹ پر 2006 سے اب تک 6 جوہری تجربے کیے جا چکے ہیں۔شمالی کوریا کے رہنما کم جانگ ان امریکا کے ساتھ مذاکرات شروع ہونے سے قبل مزید جوہری تجربے روکنے کا اعلان کر چکے ہیں۔

متعلقہ عنوان :