جاوید شیخ کی فلم’’وجود‘‘ کے ساتھ ہدایتکاری میں واپسی

فلم کی شوٹنگ ترکی میں کی گئی، جبکہ اسے رواں سال عیدالفطر پر ریلیز کیا جائے گا

جمعہ 27 اپریل 2018 12:10

جاوید شیخ کی فلم’’وجود‘‘ کے ساتھ ہدایتکاری میں واپسی

ْکراچی (اُردو پوائنٹ اخبارتازہ ترین - این این آئی۔ 27 اپریل2018ء) پاکستانی معروف اداکار جاوید شیخ فلم ’وجود‘ کے ساتھ ہدایت کاری میں واپسی اختیار کررہے ہیں، جس کا ٹیزر بھی ریلیز کردیا گیا ہے۔ویسے تو اس فلم کی کہانی کے بارے میں اب تک کچھ نہیں بتایا گیا، تاہم ٹیزر سے کہانی کا تھوڑا بہت اندازہ لگایا جاسکتا ہے۔

(جاری ہے)

اس فلم میں دانیش تیمور مرکزی کردار ادا کرتے نظر آئیں گے، جو فلم میں پائیلٹ بنے ہیں، ویسے تو جاوید شیخ نے اپنا کردار ٹیزر میں زیادہ پیش نہیں کیا، لیکن دیکھ کر ایسا محسوس ہورہا ہے کہ وہ فلم میں ولن کا کردار ادا کرتے نظر آئیں گے۔

فلم میں بھارتی اداکارہ ادیتی سنگھ اور سعیدہ امتیاز بھی موجود ہیں اور امید کی جاسکتی ہے کہ وہ صرف مرکزی کردار کو متاثر کرنے کے لیے اس فلم میں شامل نہ کی گئیں ہوں۔فلم کی شوٹنگ ترکی میں کی گئی، جبکہ اسے رواں سال عیدالفطر پر ریلیز کیا جائے گا۔