ڈالر کی قیمت میں اضافہ ، چینی موٹر سائیکل کی قیمتوں میں اضافہ کردیا گیا

منگل مئی 15:25

ڈالر کی قیمت میں اضافہ ، چینی موٹر سائیکل کی قیمتوں میں اضافہ کردیا ..
کراچی(اُردو پوائنٹ اخبارتازہ ترین۔ 01 مئی2018ء) پاکستان میں روپے کی قدر میں کمی اور ڈالر کی قیمت میں اضافے کے بعد کچھ چینی بائیک اسمبلرز نے موٹرسائیکل کی قیمت میں ایک سے 2 ہزار روپے اضافہ کردیا۔این جی آٹو انڈسٹری کی جانب سے اپریل کے دوسرے ہفتے میں مختلف ماڈلز پر ایک سے 2 ہزار روپے اضافہ کیا گیا جبکہ ڈی ایس موٹرز نے یکم مئی 2018 سے یونیک موٹرسائیکل کے مختلف ماڈلز پر 1 ہزار روپے بڑھانے کا اعلان کردیا۔

(جاری ہے)

دوسری جانب مقامی سطح پر اسمبلڈ بائیکس کی تعداد میں تیزی سے اضافہ ہوا جس کے باعث کمپلیٹ ناکڈ ڈان کٹس ( سی کے ڈی ) اور سیمی ناکڈ ڈان کٹس ( ایس کے ڈی) کی درآمدات میں اضافہ ہوا۔اس حوالے سے محکمہ شماریات کے اعداد و شمار کے مطابق دو پہیوں کے لیے سی کے ڈی اور ایس کے ڈی کی درآمدات میں جولائی 2017 سے مارچ 2018 تک 19 فیصد اضافہ ہوا۔اعدا و شمار میں بتایا گیا کہ گزشتہ مالی سال میں یہ درآمدات 6 کروڑ 60 لاکھ ڈالر تک تھی، جو اضافے کے بعد 7 کروڑ 86 لاکھ ڈالر تک پہنچ گئی۔تاہم اسمبلرز کی جانب سے 92 فیصد مقامی سطح پر اسمبلگ کا دعوی کرنے کے باوجود بائیک کی قیمتوں میں اضافہ ہورہا۔

متعلقہ عنوان :