نیٹ ویسٹ ٹی ٹونٹی، وورسیسٹرشائر کا مارٹن گپٹل اور کالم فرگوسن سے معاہدہ

گپٹل 20 جون کو انگلینڈ پہنچیں گے

بدھ 2 مئی 2018 11:55

لندن ۔ (اُردو پوائنٹ اخبارتازہ ترین - اے پی پی۔ 02 مئی2018ء) انگلش کائونٹی کلب وورسیسٹرشائر نے رواں برس شیڈول نیٹ ویسٹ ٹی ٹونٹی کرکٹ ٹورنامنٹ کیلئے نیوزی لینڈ کے مارٹن گپٹل اور آسٹریلیا کے کالم فرگوسن سے معاہدے کر لئے۔

(جاری ہے)

معاہدے کے شیڈول کے تحت گپٹل 20 جون کو انگلینڈ پہنچیں گے اور 29 جولائی تک وہاں رہیں گے، اس دوران وہ نیٹ ویسٹ ٹورنامنٹ کے ابتدائی 8 میچز اور دو کائونٹی چیمپئن شپ میچز میں کلب کی نمائندگی کریں گے اور اس کے بعد آخری چھ میچز میں فرگوسن اپنی صلاحیتوں کے جوہر دکھائیں گے۔

فرگوسن کے ہم وطن کھلاڑی ٹریوس ہیڈ تمام 14 میچز کیلئے کلب کو دستیاب ہوں گے۔ وورسیسٹرشائر ہیڈکوچ کیون شارپ نے کہا کہ گپٹل ورلڈ کلاس کھلاڑی ہیں ان کا اس فارمیٹ میں ریکارڈ بھی اچھا ہے، امید ہے کہ وہ اپنے انٹرنیشنل تجربے سے فائدہ اٹھاتے ہوئے ٹیم کو فتوحات دلانے میں کردار ادا کریں گے۔